Grebalarien Kolektiboak (Nafarroako errepresio sozialak kaltetutako herritarren batzarrak) poliziaren errepresioari kontra egiteko prentsaurrekoa egin du gaur Iruñean Iñigo Cabacasen heriotza argitzeko lanean ari den Iñigo Gogoan plaforma eta gomazko piloten erabilpenaren kontra aritzen den Bartzelonako plataformako kide Carles Guillotekin batera.
Pilotakadaren ondorioz, Aingeruk ikusmena galdu du begi batean; larriagoa izan zitekeen, Iñigo Cabacasen kasuan ikusi dugun bezala. Une hauetan, bere salaketak epaiegietan jarraitzen du. Aingeruk erabateko babesa jaso du Atarrabiako Herriaren nahiz Udalbatzaren aldetik, baina ez Gobernu ordezkaritzak ez Nafarroako Gobernuak ez dute adierazi inolako interesik bere egoerari buruz. Eskandalugarria da Barcina andereak paperontzietan jarritako pegatinen edota apurtutako kristal batengatik abotsa altxatzea eta ordea bere isiltasunaz mespretxatzea Nafarroako auzokide batek pairatutako zauri larria.
Ildo honetan, Grebalarien Kolektiboak “Estafetako bost”en aurkako epaiketa salatu du. Bost lagun horiei pikete informatibo batean parte hartzea leporatzen diete, Estafeta kalean, M-29ko Greba Orokorrean. Ez diete leporatzen kalte pertsonalik ez eta materialik ere, baizik eta “lanerako eskubidea” urratu izana. 56.000 langabe dituen herrialde batean sarkasmo hutsa da akusazio hori. Baina kontua are eta eskandalagarriagoa da fiskalaren eskaria ezagutzen dugunean: 4 urte eta erdiko espetxe zigorra eskatzen dizkie bakoitzari!
Protesta sozialen errepresioa salatu, Aingeruren zauri larriarengatik erantzunkizunak eskatu eta berriro gerta ez dadin aldarrikatzeko, ekitaldi sorta antolatu da larunbat honetarako (apirilak 13) Atarrabian, Iñigo Cabacasen heriotzaren urteurrena dela-eta Bilbon manifestazioa egingo den egun berean hain zuzen ere.
Era berean, “Estafetako bostak” absolbitzea eskatzeko, manifestazioa egingo da datorren asteko ostiralean, apirilak 19, 20:30etan Gaztelu Plazatik.
{module[111]}