2026-11-18
HomeZerbitzu PublikoakEusko JaurlaritzaEusko Jaurlaritzak lanaldiaren luzapena inposatuko du CONFEBASKen mesedetan

Eusko Jaurlaritzak lanaldiaren luzapena inposatuko du CONFEBASKen mesedetan

Aurtengo lanaldia negoziatzeko ahaleginak inposizio batez amaitu dira. Gobernuak lanaldi-aldaketa inposatuko die langileei. Urtean 45 ordu gehiago egin beharko ditugu eta, horretaz gain, antzinatasun egun guztiak galduko ditugu. Norberaren kontuetarako egunak, berriz, hirura murriztu dituzte.

Egun hauetan, LABek, ELAk, UGTk eta CCOOk benetako ahalegina egin dugu beste euskal administrazio batzuetan hitzartutakoaren antzeko zerbait adosteko. Negoziazio Kolektiboko zuzendariak, berriz, une oro inposatu du Urkulluren gobernuaren iritzia: 1592 ordu lan egin behar da, ordu bat bera ere murriztu gabe. Aukera libreko egunak hartu ahal izateko, eguneroko lanaldia luzatu eta udako lanaldia murriztu beharko dugu.

Sektoreko mahaian gauden sindikatuek aho batez errefusatzen dugu inposizio hau eta, ondorioz, mobilizatzera deitu dugu. Lakuan mobilizazioa egin dugu gaur, eta datorren astelehenean ere, martxoak 25, LABek, ELAk, CCOOk eta UGTk kontzentrazioak egingo ditugu Lakuan, eta dei egiten dizuegu bertako langileei kontzentrazio horietan parte hartzera.

Sindikatuen borondatea argia eta bateratua da: inposizio honen aurrean, Iñigo Urkullu buru duen Gobernuari exijitzen diogu ez dezala inposatu lanaldiaren zirkularra, lanpoltsetako milaka lagun utziko baititu lanik gabe, eta dei egiten diogu sindikatuek lana banatzeko egindako proposamenak babesteko, hau da, behin-behineko langileak kontratatzeko aukera ematen duten lanaldiak jartzeko.

Eusko Jaurlaritzak ateak ireki dizkie behin-behineko langileen kaleratze masiboei, eta hori guztia Confebaski eta haren sektore eta lurralde antolakundeei erraztasunak emateko enpresa pribatuetako hitzarmenetan lanaldi-luzapenak inposa ditzaten, elkar hartuta baitihardute enpresa guztietan behin-behineko langileak aldraka kanporatzeko.

Eusko Jaurlaritzako langile guztiei dei egiten diegu mobilizazioetan parte hartzera, eta sindikatu guztien batasuna proposatzen dugu eraso basati honi aurre egiteko. Halaber egiten diegu dei gizarte-eragileei lanaldia luzatzeko ahalegin hau eragozteko, are gehiago langabeziaren hazkundea lazgarria bihurtu denean. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.