2026-11-17
HomeNazioartea IdazkaritzaKurdistanLABek hiru militante kurduen erahilketa salatzen du

LABek hiru militante kurduen erahilketa salatzen du

Sakine Cansiz, PKK Kurdistango Langileen Alderdiaren sortzaileetako bat; Fidan Dogan, KNK Bruselan egoitza duen Kurdistango Kongresu Nazionalaren Frantziako ordezkaria; eta Leyla Soylemez militante gaztea hilda aurkitu zituzten atzo, urtarrilak 10. Emakume hauek beren herriaren askatasunaren alde lan egiteagatik erahilak izan dira. 

Egun PKK-ren oinarri feministei esker emakume kurduen papera arlo politikoan, eta jendarte kurduan oro har oso garrantzitsua da, beren herriaren askatasunaren borrokarekin batera patriarkatuaren aurka eta emakumeon eskubideen aldeko lana lehentasunezko borroka dute.

Hau horrela izateko bertan dauden emakume kurdu feministen lana ezin bestekoa izan da, hauen artean aipatzekoa da bereziki erahila izan den Sakineren papera, emakume kurduen eskubideen aldeko langile amorratua.

Kurdistango estatuaren izaeraren ukapenarekin batera beren oinarrizko giza eskubideak uneoro zapalduak dituzte kurduek, tortura eta atxilotzeak eguneroko errealitateak direla, eta Turkia, Iran, Irak eta Siriako estatu menperatzaileak baztertuak eta gutxituak bizitzera behartzen dituztela.

Egoera honetan emakumeek zapalkuntza hirukoitzari egin behar diote aurre (herri, klase eta jenero zapalkuntza, alegia).

PKK eta Turkiako gobernua elkarrizketekin hasi diren mementu berean, Turkiako Estatuko sektore militarista eta totalitarioenek gerra zikina eta Estatu terrorismoa herri kurduaren kontra berriz erabiltzeari ekin diote, ekintza honek erakusten duen legez.

LABetik gerra zikineko ekintza hau gaitzesten dugu, eta Frantziako Estatuari exijitzen diogu errudunak zigor ditzala, erru politikoak ere argituz.

Era berean, eraildako kideen senide eta burkideei, eta Kurdistango herriari eta emakumeei, gure elkartasuna helarazten diegu.

GORA BORROKA FEMINISTA, GORA HERRI ASKEAK!!!
GORA KURDISTAN ASKATUA!! 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua