2026-11-16
HomeEkintza SindikalaLangile borrokaren kriminalizazioari ez!

Langile borrokaren kriminalizazioari ez!

Wat enpresako zuzendariak LAB sindikatuko Durangaldeko metaleko arduraduna den, Marieliren aurka salaketa penala tarteratu du, gaur, Azaroak 29, Mallabiko Bake epaitegian epaiketa ospatu delarik.

Gorka Aizpitarte Alonsok salaketa tarteratu du, “por calumnias contra su persona, vertidas por medio de difusión de octavillas en el interior del polígono industrial”.

Marielik dena ukatu egin du, eta enpresako zuzendariaren jarrera salatu zuela baieztatu du, izan ere, egitateak eman ziren egun horretan enpresako zuzendaritzak bilera bat ospatu zuen komiteko kideekin eta aholkulari sindikalekin. Bilera horretan enpresako zuzendaria den, Gorka Aizpitarte Alonsok, egoera konkurtsalean murgildurik zeudela, eta kaleratzeak egongo zirela aipatu zuen. Marielik egoera hori bere errua zela adierazi zion, eta honek irribarre batekin erantzun zion, hau dela eta Marielik egoera larri eta zail honetan, irribarre horrek lekurik ez daukala aurpegiratu zion.

Durangaldeko LAB.en ustez enpresak ez dauka irtenbiderik bilatzeko intentziorik, eta gaur ospatu den epaiketan argi ikusi da. Langile borroka kriminalizatu nahian, enpresan langileek bizi duten egoera larria estali nahi izan du enpresako zuzendaritzak, epaiketa honen bitartez.

Epaiketa ospatu baino lehen eta bitartean kontzentrazio bat ospatu da Mallabiko udaletxe aurrean, 85 pertsona bildu direlarik, “Langile borrokaren kriminalizaziorik ez!” lelopean.

 

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua