Laminaciones Arreguiko langileak, borroka estrategia bermoldatu ostean, Gasteizko lantegiraino joan dira martxa jendetsu batean. Elkartasun martxa hau Gasteizko Martxoak 3ko Plazan hasi da eta bertan enpresako langileek, grebalarie zein kaleratuek, beste enpresa batzuetakodelekatuek, EH Bilduko kideek eta herritar andanak hartu dute parte.
Lantegi barruraino lagundu dituzte grebalariak, enpresako segurtasuneko zerbitzuen gainetik, eta Enpresa Batzordeko kideek negoziazio eskaintza luzatu diote Giza Baliabideen arduradunari. Enpresako Zuzendaritzak, bere aldetik, dagokien oporraldia eman die, beraz ez dira lanean hasiko. Edonola ere, langileek mobilizazioekin jarraituko dute akordioa lortu arte.
