Usurbilgo INGEMAR marmol lantegiko langileek ELKARRETARATZEA egingo dute bihar goizeko 09.00etan Donostian, PRECOren egoitza aurrean (Hondarribia kalea), zuzendaritzan enpresa horretan aurrera eraman nahi dituen kaleratzeen aurka. Egun bertan diharduten 167 langiletik 67 kalera bota nahi dituzte, eta gainera une honetan 128 langileri eragiten dien suspentsio EEEa dute indarrean.
Enpresak, inolako EEErik aurkeztu gabe, 20 lagun kaleratu zituen 2009ko abuztuan; halaber, 2010eko bigarren hiruhilekoan beste 20 langileren lan kontratuetan baja eman zen, aurrejubilazioak edota baja inzentibatuak tarteko.
Ingemarreko zuzendaritza eskaeretan eta produkzioan irregulartasunak eta gora-beherak izaten ari dela salatu nahi du enpresa batzordeak, horrek guztiak emaitza ekonomikoetan eragin zuzena duelako. Komitearen arabera, aipatu jokaerarekin zuzendaritzak Usurbilgo lantegian finantza egoera okertu nahi du, eta horrela, langileen kaleratzeak arrazoitu.