Metalgintzako langileak Ezkerraldean mobilizatu dira gaur eta elkartasuna erakutsi diete greba eguna izan duten Trapagarango Amazoneko langileei.

Hitzarmen berri bat lortzeko negoziazioek porrot egin ostean, jarraian egingo dituzten bost greba egunen lehena da gaurkoa. Patronalak hitzarmena hobetzeko eskaintza duinik egiten ez badu, negoziazioek ez dute aurrera egingo.

Goizaldeko lehen orduan hasi dira piketeak martxan Trapagako Productos Tubularesen, eta ondoren, eskualdeko beste enpresa batzuetara gerturatu dira langileak. Datuen arabera, grebak %85ko jarraipena izan du goizeko txandan.

Gaur Cyber Monday egun delarik, greba duten Amazoneko langileei ere euren elkartasuna adierazi diete metalgintzako langileek. Lehen hauek, zentroko hitzarmen propioa eskatu nahi dute greba egun honekin.

Bizkaiko metalak manifestazioa 11:00etan hasi du Portugaleteko Metro geltokitik abiatuta.

Hurrengo mobilizazioak; bihar Durangaldean, asteazkenean Hego Uribe-Arratian, ostegunean Eskumaldean, eta ostiralean Bilbon izango dira.