2024-02-26
HomeIndustriaMetalgintza26 egunetako greba mugagabearen ostean MESAko langileek hitzarmenaren baldintzak blindatzea lortu dute

26 egunetako greba mugagabearen ostean MESAko langileek hitzarmenaren baldintzak blindatzea lortu dute

Abenduak 17 zituenean, 26 egunetako greba egin ostean, Mungiako MANUFACTURAS ELECTRICAS, S.A. (MESA) enpresako beharginek aurreakordioa lotu dute enpresarekin.

Hasiera-hasieratik, enpresak bi norabideetan eroan zuen negoziazioa: alde batetik, erreforma osoa ezarri gura zuen, eta bestetik, honezkero hitzarmenean jasotzen diren gaietan eta aurreko negoziazioetan lortu genituenak murriztu gura zituen. Enpresak ez zuenez inolako asmorik taxuzko negoziazioa burutzeko eta urriaz geroztik hainbat lan uzteak egin ostean, MESAko beharginek greba mugagabeari ekin zioten joan den azaroaren 22an.

Astelehenean, abenduak 17 zituen, enpresak ezagutarazi zion batzordeari bere eskaintza, zeina, geroztik, beharginek, batzartuz, onartu zuten. Aurreakordioan jasotzen da: ultraktibitateari eutsiko zaiola erreformak mugatzen duen urtetik haratago; beharginen ordezkaritzarekin adosteko beharra, hitzarmenaren baldintzetako bat aplika ez dadin, derrigorrezko arbitraia baztertuz eta erreformak ezarri digun absentismo- indize berriak erabiliz, beharginik ez dadin kalera bidali arrazoi objektiboak argudiatuz. Soldatari dagokionez, igoera ez dela %1ekoa baino txikiagoa izango, eta KPIren igoera lortzeko aukera izango dute.

LABek eta 26 egunetako greba egin ostean, onuragarritzat hartzen du proposamena, Hitzarmenaren baldintzak blindatzen ditugulako Madrilen etengabe ezarri diren erreformen aurka. Argi gera bedi ere, behargin guztien borroka eta batasunari esker, erreformaren ondorioak eta enpresaren asmoak gainditu ahal izan ditugula.

 

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.