Nafarroako Gobernuko Gizarte Eskubideen Departamentuak adingabeen plegu berria argitaratu berri du, Nafarroan adingabeei arreta emateko zerbitzu gehienak lizitatzeko. Plegu horietan, zerbitzuak emateko kategoriak eta titulazioak modu arbitrarioan aldatu dira, inongo negoziaziorik izan gabe, baita hizkuntzetako baldintzetan ere, euskaraz arreta jasotzeko eskubidea beste behin ahaztuz. Plegu horiek martxan jartzeak kalean jartzen ditu, zuzenean, sektorean urteak daramatzaten 100 langile baino gehiago.
Hori dela eta, LAB sindikatutik jakinarazten dugu plegu hauek ez ditugula onartuko. Eta hala adierazi dugu Iruñean, Gizarte Eskubideen Departamentuaren egoitza aurrean egindako elkarretaratzean, departamentuaren berarekin hitzartutako bilera dela-eta.