2024-09-18
HomeIndustriaMetalgintzaSiemens-Gamesako gaizki deitutako enpleguaren mahaian parte hartzeko dugun eskubide edo zilegitasunararen inguruko...

Siemens-Gamesako gaizki deitutako enpleguaren mahaian parte hartzeko dugun eskubide edo zilegitasunararen inguruko oharra

ELA sindikatuak ohar bat argiratau du zeinetan esaten den LABek ez duela eskubiderik Siemens-Gamesako zuzendaritzarekin enpleguaren inguruko egiten ari diren negoziazioetan, langileen babes nahikorik ez duelako. Nahiko tristea iruditzen zaigu ELA sindikatuak gure zilegitasuna auzitan jartzea eta inolako aipamenik ez egitea Siemens-Gamesako zuzendaritzaren jarrera prepotente eta mehatxariaren aurrean.

Honakoa argitu nahi dugu:

1.- LAB ez zegoen enpresaren hasierako EEEaren negoziazioaren mahaian kaleratzeak egingo ziren lan- zentro bakarrean soilik genuelako ordezkaritza, zehazki Arazuriko lantegiko ordezkari bat. Gonbidatu bezala hartzen genuen parte, ahotsarekin baina botorik gabe.

2.- Azken bileran enpresak aipatutako EEEa bertan behera uzten zuela iragarri zuela. Horrela, ez gaude beronen negoziazioan.

3.- LAB, Siemens-Gamesak Estatuan dituen lan-zentro guztiak kontuan hartzen badira, eskubide osoa du egoteko, gutxienez ordezkari batekin, prima aldakorreko baldintzen funtsezko aldaketaren negoziazioan gertatu zen moduan.

4.- LAB, Euskal Herria den bere jarduera esparruan, lehen indarra da EAEn Siemens-Asteasu, Zumaia eta Mungiako lantegiak elkarrekin hartuta.

5.- Enplegua murrizteko negoziazioetan parte hartzen ari diren enpresa eta sindikatuek publikoki argitu beharko dute aurreko EEEaren gainean negoziatzen ari diren ala ez.

6.- Guzti horrengatik, LABetik neurri judizialak hartzea aztertuko du, bere askatasun sindikalerako eskubidea urratzen egon daitezkeelako.

Azkenik, berriro egiten diegu dei sindikatu guztiei langileen kaleratzerik onar ez dezaten. Siemens-Gamesan ez dago inor sobrean.
 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.