LAB SINDIKATUA

2018/09/19 :: 17:05

Azken Eguneraketa:2018/09/19 :: 10:49

HIZKUNTZA
Hemen zaude: LAB SINDIKATUA

Enplegua duintzea eta aldaketa sozial eta politikorako aldeko borrokak indartzea izango dira gure lehentasunak

E-posta Inprimatu PDF fitxategia
Partekatu albistea



LABek bi erronka nagusi ditu ikasturte honetarako: lan harremanak eta baldintza sozialak duintzearen aldeko eta prekarizazioaren kontrako borrokan jarraitu eta aldaketa sozialaren aldeko borroka bultzatzen jarraitu. hala jakinarazi dute LABeko idazkari nagusi Garbiñe Aranburuk eta sindikatuko idazkari nagusi ondoko Igor Arroyok Bilbon egindako agerraldian.

Enplegu duinaren aldeko eta prekarietatearen kontrako borroka

Prekarietatearen kontra borrokatu eta borroka honetan eraginkorragoak izateko, ekintza sindikaleko gure eredu berria indartzen jarraituko dugu.

Pasa den ikasturtean areagotu egin dira gatazkak lan zentroetan eta garrantzitsuagoa dena, hauei esker akordio honak lortu dira langileontzat.

Aldarrikapen nagusiak:

• 1.200 eurotako gutxieneko soldata; pentsionistek, euren borrokari esker, aldarrikapenen erdigunean kokatu dute 1.080 euroko gutxieneko pentsioen erreferentzia.

Berdina lortu behar dugu soldatekin. Aberastasuna modu ekitatiboagoan banatzeko neurriak, ekonomiaren hazkundea langileongana ere iris dadin eta lan-baldintza hobeak idatzen. Eta gainera, egungo langileek pentsio hobeak izango dituzte horrela.

• Soldata arrakalaren kontrako borroka: sexuaren araberako lan banaketan oinarritutako lan harremanen ereduaren adierazle da, emakumeok lan munduan jasaten dugun egiturazko diskriminazioaren forma bat.

Martxoaren 8an testuinguruan, 300 enpresetara galdetegiak bidali genituen eta jasotako erantzunak argi erakusten du patronalak ez duela inolako borondaterik arazo honi aurre egiteko.

• Negoziazioa kolektiborako euskal esparru propioa: joan den kurtso bukaeran mobilizazio eguna egin genuen negoziazio kolektiboa estatalizatzeko prozesuaren kontra.

Maiatzaren 30 horretako mobilizazioek balio izan zuten langileak kontzientziatu eta arazoaren dimentsioa ikustarazteko eta aurten ere gure lan-ildo nagusietakoa izango da.

• Mobilizatzen jarraitu lanera joateak gure bizitzatzak arriskuan jartzea ekar ez dezan. Lanean izandako heriotzak langileekiko bortizkeria patronala dira. Onar ezin daiteen zerbait da eta are gutxiago, prekarietatea murriztu eta prebentzio neurri egokiak hartuta heriotza horiek ekidin daitezkeela. Istripuei ematen diogun erantzunean jauzi bat eman behar dugula uste dugu. Hausnarketa hau gehiengo sindikalera ere eraman dugu.

Aldaketa sozial eta politikoaren aldeko borroka sustatu

Gatazkak areagotu dira lantokietan eta mobilizazio soziala indartu da kalean. Horrek islatzen du beste ekonomia eredu baten aldeko gehiengo sozial bat dagoela gure herrian; eraldaketa soziala eta aldaketa sozialaren alde egiten duen gehiengo bat, hain justu.

Aldaketa sozial hori bermatu ahal izateko:

-Politika publikoen norabidea aldatu behar da. Neurri asko egungo eskumenen esparruan har daitezke. Adibidez, Euskal Herriko Eskubide Sozialen Kartarekin batera sustatzen ari garen pobreziaren aurkako Herri Ekimen Legegilea.

-Burujabetza behar dugu, gure esparruan erabakitzeko eskubidea. Egungo eskumenen esparrua handitu behar da, aldaketa politikoa beharrezkoa da. Zentzu honetan, EH Bildu eta EAJren artean akordio batera iritsi dira EAErako estatus berri bat lortzeko. LABen iritziz, estatus berriak erabakitzeko eskubidea bermatu behar du eta erabateko eskumenak ahalbidetu behar ditu arlo sozio laboralean, beti ere Lan Harremanetarako eta Babes Sozialerako Euskal Esparrua eraikitzeko helburuarekin.

Duela urtebete, burujabetza prozesu bat sustatzeko adierazpen bat aurkeztu genuen, ELArekin batera, aldaketa soziala helburu. LABentzat, adierazpen horrek baleko erreferentzia jarraitzen du izaten.

Burujabetza prozesua ezkerretik sustatzeko xede duen adierazpen horretan sakontzea LAB eta ELAren esku dago soilik, ez dago hirugarren baten esku. Bi sindikatuok autonomia sindikala dugu adierazpen horretan hartutako konpromisoak aurrera eramateko. ELAk uko egin dio horri.

 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.