LAB SINDIKATUA

2017/11/21 :: 12:55

Azken Eguneraketa:2017/11/21 :: 7:58

HIZKUNTZA
Hemen zaude:

Amiantoak hildako langileak gogoan izan dituzte CAFen

E-posta Inprimatu PDF fitxategia
Partekatu albistea



CAFen amiantoarekin lana egitearen ondorioz hil dira azken hilabeteotan bi lankide: J.L.V.R, 60 urte zituela uztailean hil zen; eta J.A.B.D, 72 urte zituen eta irailean hil zen. Heriotza hauen aurrean, Enpresa Batzordeak deituta, omenaldia, geldialdia eta elkarretaratzea egin dituzte CAF Beasaingo sarrera nagusian amiantoaren biktimen omenez eginiko monumentuaren inguruan.

Beasaingo lantegian dagoeneko 31 langile dira, beraien lanpostuetan amiantoa erabiltzearen ondorioz hildakoak eta beraien heriotza amiantoa manipulatzeak eragin duenaren errekonozimendua lortutakoak.

Gai honetan nahastuta dauden enpresen jarrera salatu du enpresa batzordeak, gaixo edo hildakoengatik kalte ordainak edo laguntzen errekarguak eskatzeko oztopoak jartzen baitituzte.



Administrazioen jarrera itxia ere salatu du, biktimak laguntzeko bideak zaildu eta Europako beste hainbat herrialdetan funtzionatzen duten konpentsazio fondo baten sorrerari eragozpenak jarri baitizkiete urtez urte. Borroka askoren ondoren eskaera hau errealitate bihurtzen ari dela badirudi ere, amiantoarekin kutsatutako biktimekiko errekonozimendua instituzioen aldetik, berandu datorrela uste du enpresa batzordeak.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu