2024-09-20
HomeZerbitzu PublikoakOsasungintzaBuruzagitzen inpunitatearen aurka mobilizatu gara Gurutzetako Ospitalean

Buruzagitzen inpunitatearen aurka mobilizatu gara Gurutzetako Ospitalean

LABek Ezkerraldea-Enkarterri-Gurutzetako Erakunde Sanitario Integratuko (ESI) zuzendaritza eta jefaturen inpunitatea salatu egin du Gurutzetako Ospitalean. Salaketa ospitaleko zerbitzu ezberdinetara eraman dugu, bertako langileekin hitz egin eta esku-orriak banatu eta egoera salatzeko kartelak ipinita. Erabiltzaileekin ere egon gara. Azkenik, protesta zuzendaritzaraino bertaraino eraman dugu, eta gerentearen eta erizaintzako zuzendaritzaren bulegoetan sartu gara. Ezin dugu ahaztu ESI honetako jefatura bat, Erizain adjunto bat, Osakidetza osoko hiru jefatura toxikoenen artean dagoela. Hala ere, inpunitatea buruzagitza askoren eguneroko kontua da. Halako jarrerarik ez dugula onartuko ohartarazi diegu.

ESI Ezkerraldea-Enkarterri-Gurutzetako Zerbitzu Orokorretako, Laborategietako eta Izpietako Erizaintzako Adjuntuari, meritu propioz, LAB sindikatuak buruzagi toxikoenentzako saria eman diogu. Baina bera ez da zerrendako bakarra, lagundu dioten beste buruzagiekin ere saria konpartitzen baitu. Darponek irakatsita, oso ondo barneratu dute bere lelo nagusia: “Ez ditut langileon eskubideak errespetatuko”. Aipatutako jefatura Repelegako Bularreko Screening Zerbitzuaren funtzionamendu eskasa eta bertan sortutako lan-giro kaskarraren ondorioz aukeratu genuen: buruzagien interes faltak eta utzikeriak kudeaketa erabiltzaileei ere eregiten zieten. Bertoko langileek behin eta berriro transmititu diote zuzendaritzari euren egonezina.

Esan bezala, beste buruzagitzek ere egoera hauek sustatzen dituzte. ESI honen langileak, gero eta gehiago, buruzagitzen inpunitatea jasaten ari dira: langileen lana ez da baloratzen, lanaren berrantolaketa plantillaren iritzia kontuan hartu gabe egiten da, lan kargaz gainezka badauden zerbitzuetan ez dira langileak ordezkatzen, kexa eta iradokizunei gorrarena egitea, eta batere egokia ez den langileriarekiko jokaera (errespetu faltak). Azken garaietan kexa hauek behin eta berriro heltzen zaizkigu honelako komentarioekin: “hemendik alde egin nahi dut, hemen lan egin ezinik nago ”… “hau gero eta txarrago doa”…

LABetik ESI honetan lan egiten duten pertsona guztioi egoera horiek salatzeko deia egiten dizuegu. Inpunitatea akabatzeko bide bakarra guzti hori beldurrik gabe plazaratzea da.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.