2024-09-21
HomeZerbitzu PribatuakMerkataritzaMOBELeko langileek deitu dituzten grebei babesa erakutsi diegu

MOBELeko langileek deitu dituzten grebei babesa erakutsi diegu

LAB sindikatutik MOBEL enpresako langileen egoera salatu nahi dugu. Barakaldoko IKEAri ematen dio zerbitzua MOBELek eta pasa den azaroaren 10ean, itxierako EEEa aurkeztu zuen langile guztientzat, 21 finkoak, 4 aldi baterakoak eta 30 ustezko autonomoak. Pasa den astean apurtu zen itxierako EEEaren negoziazioa. Honetatik kanpo utzi dituzte IKEA eta MOBELek usteko autonomoak diren 30 langileak, IKEA dutenak bezero bakar bezala.

Langile hauek IKEA eta MOBELekiko erabateko menpekotasuna daukate. Hauek dira euren berezo bakarrak, zuzenean MOBELek kontratatuek egiten dutenek bezala, lan-kontratu batekin, salbuespen bakarrarekin, ustezko autonomoak ez daudela itxiera EEEaren barruan. Hortaz, IKEA eta MOBELek kaleratze zuzena ezarriko diete koste guztiak aurreztuz, inolako kalteordainik gabe “kaleratuak” izango direlarik.

LABek bat egiten du MOBELeko langile guztiek egindako mobilizazioekin eta IKEAren jarrera salatu nahi du, beste behin, grebarako eskubidea boikoteatzen ari dena. Astelehenetik, abenduaren 4tik, sortu berri dituen 2 enpresetako batekin egiten ari da garraioak, hauek printzipioz urtarrilean hasi behar ziren lan hau egiten. Honela, MOBELeko langileen protestaren eragina murriztu nahi du.

MOBELeko langileek lanuztea egingo dute bihar, abenduaren 7an, 18:00etatik 18:30era eta greba larunbatean, abenduaren 9an eta astelehenean, abenduaren 11an.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.