2024-09-20
HomeZerbitzu PribatuakTelekomunikazioakLanuzte berriak Telefonican

Lanuzte berriak Telefonican

Gaur, azaroak 27, LAB eta CIG sindikatuek deituta lanaldi bakoitzeko ordubeteko lanuzteak izango dira Telefonican langileen eskubide laboral eta sozialen alde eta soldata eskubideen galeraren aurka. Eguerdian elkarretaratzeak deitu dituzte Donostia, Bilbo eta Iruñeako Telefónicako zentralen aurrean.

MOBILIZAZIOAK
DONOSTIA – Amaran (sagrada familia) 14:30etan.
BILBO – Buenos Airesen 14:15etan
IRUÑEA – Kortes ( zezen plaza aurrean) 14:45etan

JOSE ANGEL FERNANDEZ DE ANDRES
LABeko delegatua Telefónican

Azaroak 27
ORDUBETEKO LANUZTEA

BORROKAK DARRAI….
…indar beteaz:

• Herrialde guztietan kalitatezko enpleguaren alde
• Negoziazio iraunkorrerako mahaiak ixtearen alde
• Hitzamenaren luzapenaren deuseztearen alde
• Errepresioaren kontra, lan eta sindikal mailan
• Kaleratutakoen berronartzearen alde: Joseba, Alvaro, Marcos…

Gure lan-duintasunaren alde, gure duintasun pertsonalaren alde, labur esanda.

Indarrean dagoen Hitzarmen Kolektiboaren iraunaldia heldu den abenduaren 31rainokoa da, eta Negoziazio Kolektibo gardena, partehartzailea, berme sindikalduna hasi behar izango genukeen honetan, enpresak iraunaldia luzatu nahi du, negoziazio iraunkorrerako mahaien bitartez hainbat urteko Borroka Kolektiboari esker irabazitako eskubide eta lorpenak deuseztatzeko.

Hortaz, garai bateko lan-kategoriak ez dira jada existitzen: Telefonicako langileok talde-profesional ezberdinetan sailkatuak gaude zeinetan eskubide eta betebeharrak – lan zein soldatari dagozkienak- banan banangoak bilakatu dira, beti aldakorrak diren ‘helburu’ batzuen araberakoak.

Era berean, Disponibiltate akordioa sinatu berri da, enpresak gastuak aurreztu ditzan helburu bakarrarekin: hainbat langilek ordu gehiago lan egin behar izango dute soldata berdinaren truke. Eta akordio hau sinatzeko erabilitako arrazoietako bat, lana eta familiaren kontziliazioa alegia, lotsagabekeri maila gorenetakoetara eramana izan da.

Modu berean, hasierako uneetan erasokorrak ez diruditen hainbat neurri ezartzen ari da enpresa, banan-banago lan-harremanak jartzeko asmoz.

Eraso guzti hauen aurrean, gure eskubideen defentsan, bide bakarra dugu:

BORROKA NEGOZIAZIO IRAUNKORRERAKO EREDU HONEN AURKA MOBILIZAZIO ETENGABEA!
  

 

LAB sarean
{module[111]}

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.