2024-09-20
HomeIndustriaMetalgintzaLABek ez du onartuko Wat enpresako zuzendaritzak CCOO eta UGTrekin negoziatu duen...

LABek ez du onartuko Wat enpresako zuzendaritzak CCOO eta UGTrekin negoziatu duen soldata jeitsiera

Wat Direcciones, Mallabian kotatuta dagoen metaleko enpresa da, bertan CCOO eta UGT izkutuan enpresarekin negoziatzen ibili dira eta 2014ko urtarriletik aurreran langileen soldatak %13 jeistea nahi dute.

LABek dagoeneko esan du inondik inora ez duela horrelakorik sinatuko uste dugulako hau egin daiteken iruzur handiena dela. Beldurra zabaltzen saiatzen dira eta enpresa momentu “zailetatik” pasatzen ari dela arrazoitu dute. Hau errealitatetik oso urrun dago, gaur egun langileen %25a behin behineko kontratuarekin ari da lanean eskari kopuruak gora egin duelako.

CCOOeta UGTk batzar bat deitu dute enpresaren proposamena justifikatzeko. Horretarako, eta ez dutenez inork agerian uzterik nahi, LAB alde batera utzi nahi dute batzarra beren interesen alde manipulatu ahal izateko. Interes hauek enpresak dituen ber berak dira. Urrutirago ere joan nahi dute, bozketa bat egin nahi dute, alde batera utziz behin behineko kontratuekin lanean ari direnak, nahiz eta hauek ere soldata jeitsieraren ondorioak pairatu. Hau dena nahikoa ez balitz, publikatu duten bozkatzaileen zerrendan bozka eskubidea administratzaile eta empresa jabeari eta gerenteari ematen diote.

Tamalez, publikoa eta nabaria da CCOO eta UGT, kapitalaren kapritxoen aurrean makurtzen direla eta askotan ikusi dugu langileen eskubideen defentsa eta aldarrikapena ez zaiela batere axola. Gainera, beldurra eta desinformazioaren bidez gure eskubideei uko egitea nahi dute, negoziazio kolektiboa parte bakarrarentzat soilik baliagarri den tresna eginez, hau da enpresarentzat.

Ez da onargarrria bi sindikatu hauen jokaeraren ondorioz langileok eskubideak eta enplegu duina galtzea eta hau dena baliatzea LAB sindikatua, langileen eskubideen aldarrikapenean, bidegabekerien salaketan patronalaren erasoen aurko konfrontazioan egiten ari den lanaren balioa kentzeko.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.