Maiatzaren 28ean jauzi garrantzitsua eman nahi dugu. Ondoren, 28ko indar erakustadiari jarraipena emanez maiatzaren 30etik 3ra bitarte ekimen ugari burutuko ditugu. Federazioek deitutako mobilizazio konfederaletan, nahiz eskualdez eskualde, mobilizatzeko hamaika aukera izango dira.
Espainiar zein frantziar Estatuetatik eta bertoko Gobernuetatik datozen eraso eta murrizketen aurrean konfrontazioaren bidea aukeratu dugu, euskal esparru sozioekonomikoaren aldeko borrokan gabiltza eta lanaren eta aberastasunaren banaketan oinarrituko den eredu berri baten alde ari gara. Bide hau langileen indar eta mobilizazioari esker ari gara jorratzen.
Udaberriko agenda betea datorkigu. Jauzi bat ematera goaz, eta hau irudikatzeko hitzorduak ez zaizkigu falta, hor ditugu, besteak beste, Apirilaren 28a, Maiatzaren 1a eta maiatzaren 28ko mobilizazio nazionala eta ondotik etorriko den Borroka Astea.
M28 eta gero… borrokan jarraitzen dugu
28ko indar erakustadiari jarraipena emanez maiatzaren 30etik 3ra bitarte ekimen ugari burutuko ditu sindikatuak. Federazioek deitutako mobilizazio konfederaletan, nahiz eskualdez eskualde, mobilizatzeko hamaika aukera izango da.
Maiatzaren 31n, zerbitzu publikoetako aldarrikapenei egingo diegu tartea. Ekainaren 1ean zerbitzu pribatuetako borrokak egongo dira agendaren erdigunean eta ekainaren 3an, industriako aldarrikapenak eskualdeetako dinamika orokorren baitan txertatuak izango dira, tokian tokiko mobilizazioetan.
APIRILAK 28. LanOsasunarenNazioarteko Eguna
MAIATZAREN LEHENA
MAIATZAK 28
MOBILIZAZIO NAZIONALA
MAIATZAK 30 – EKAINAK 3
BORROKA ASTEA