2024-09-20
HomeEuskal GatazkaEzker Abertzalearen legeztatzea eskatuz, Bakerantz, legalizazioa lelopean, larunbaterako Bilbon antolatutako manifestazioan parte...

Ezker Abertzalearen legeztatzea eskatuz, Bakerantz, legalizazioa lelopean, larunbaterako Bilbon antolatutako manifestazioan parte hartzera dei egiten du LAB sindikatuak

Ezker Abertzalearen legeztatzea eskatzeko larunbat honetan Bilbon Bakerantz, legalizazioa lemapean egitekoa den nazio manifestazioari sostengua adierazi nahi dio LAB sindikatuak. Bake bidean lehentasunezkoa dugu normalizazio politikoa lortzea, aukera politiko guztiek lehia politikoan baldintza berdinetan jarduteko eskubidea bermatzea. Parte-hartze politikorako eskubidea premiazko exijentzia da, ezinbestekoa, ireki den bide berri honetan aurrera egiteko.
Euskal Herrian une garrantzitsua bizi dugu, aukeraz betetako unea, arduraz jokatzea eskatzen duen unea. Aipatu aldarrikapenei tinko eutsi eta kalera ateratzeko momentua dugu. Euskal eragileok, euskal langileok, euskal jendarteak badugu konpromiso bat, ardura bat, deialdi honen aurrean aktiboki parte hartu eta erantzuteko. Hitzordu garrantzitsua dugu larunbatean Bilbon.

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.