2024-09-18
HomeErrepresioaLABek gaur goizean Otxandion izan diren atxiloketak salatzen ditu

LABek gaur goizean Otxandion izan diren atxiloketak salatzen ditu

LAB sindikatuak, gaur, hilak 15, goizaldean Guardia Zibilak Otxandion egindako atxiloketak salatzearekin batera hauek lehenbailehen libre uztea exigitzen du. Horrez gain Miren Soloeta eta Amaiur Lopez de la Calle LABeko kideei eta beren senide eta lagunei besarkada bero bat helarazi nahi die.

Denbora da Euskal Herrian fase politiko berria ireki zenetik. Euskal jendarteak bere bidea jorratzeko desio eta borondatea duen honetan, zoritxarrez, Estatu Espainolak gatazkaren konponbide demokratikoa blokeatu ezezik, erasotzeko jarrera irmoarekin jarraitzen du. Euskal Herriak eskatzen duen aro berriaren aurrean espainiar Gobernua garai berriak eskatzen dituen erantzun moldeak bilatzen eta jorratzen ibili beharrean errezeta zaharretan tematutzen da. Bake prozesuari, gatazkaren konponbide demokratikoari berriro galga jarriz.

Euskal jendarteak ez du inondik inora ulertzen, ez eta babesten, Estatuaren aldetik dagoen erasorako jarrera zentzugabea. Euskal Herriak, Madrilgo Gobernuari arduraz eta heldutasunez jokatzeko eskatzen dio. Estrategia erasokor honekin jarraitzea, herri oso baten eskaerari bizkar emateaz haratago, herri honen eskubideen ukazio sistematiko batean sakontzea da.

Ez dugu prozesuaren aurkako erasorik onartuko. LAB sindikatutik, gatazkaren erresoluzioari traba besterik egiten ez dioten atxiloketa hauek gogor salatzen ditugu. Gatazkaren Konponbidea burura eraman ahal izateko denon inplikazioa beharrezkoa dela gogorarazi nahi dugu eta hitzetatik ekintzetara pasatzeko tenorea dela deritzogu. Denon lana eta ekarpena beharrezkoa izango da gatazka gainditzea lortu nahi badugu.
Honekin batera, LABek Euskal Herriko langile eta herritarrei dei egiten die atxiloketa hauek salatzeko egingo diren mobilizazioetan parte hartzera.

 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.