2024-09-20
HomeErrepresioaLABek Iruñean izandako atxikoketak adierazpen askatasunaren kontrako erasoak direla salatu nahi du

LABek Iruñean izandako atxikoketak adierazpen askatasunaren kontrako erasoak direla salatu nahi du

Bost lagun atxilotu ditzute Udal Plazan aldarrikapen pankartak sartzea leporatuta. Atxiloketa hauekin batera, gogoan izan behar dugu ikurriñarekin Txapitelatik sartzen saiatzen ari ziren lagunen aurkako polizia karga basati eta aduragabea. Atxiloketek nahiz kargak UPN eta PPren kultura demokratiko eskasa uzten dute agerian; gustuko ez dituzten herri adierazpenak oztopatu nahi dituzte, Udal Plazan enpresetako baloi erraldoiak edota Asturias eta Brasileko banderak egoteko arazorik jartzen ez duten bitartean.

Argi eta garbi esateko, zentsura da eurena edo, hobeto esanda, zentsura saiakera; izan ere, "arrantzale bizardunen" ekintza irudimentsu, ausart eta baketsuak erridikuluan utzi baitzuen ikurriñaren presentzia eragozteko antolatutako polizia operazioa.

Bestalde, gaur egun edozein sinbolo erakusteko arazorik ez dagoela argudiatuta "arrantzale bizardunen" ekintza kritikatu zuten ordezkari politikoen itxurakeria agerian geratu da. Errealitatea bestelakoa da: ikurriñarekin oinez zihoazen herritarrak jipoituak eta orain atxilotuak izan dira, ehunka lagunen segurtasuna eta bizitza arriskuan jarri zuen karga onartezinean.

UPNk eta PPk ez dute gogoko ikurriña, ez eta Konkistaren V. mendeurrenaren karietara Nafarroa Bizirik-ek antolatutako martxan eraman ziren koroarik eta esmeraldarik gabeko nafar banderak ere, herri baten adierazpena direlako. Urtetan Herriaren kontura aberastu dira eta orain Herria altxatzen ari da, gero eta ausardia handiagoz.

LAB sindikatuak adierazpen askatasunaren kontrako auzia bertan behera uztea exijitzen dugu, baita Txapitelako kargaren gaineko ardurak argitu daitezen ere. Eta bide batez, Enrique Mayaren dimisioa exijitzen dugu berriro ere, ustela ez ezik, zentsuratzailea eta arduragabea izateagatik.
 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.