2024-09-19
HomeEkintza SindikalaSokoako langileek elkartasuna adierazi diote Sebastien Hiriarti

Sokoako langileek elkartasuna adierazi diote Sebastien Hiriarti

Hendaiako Sokoa enpresako zuzendaritzak Sebastien Hiriart kaleratu du. Aipatutako langilea kaleratze arriskuan zegoen, eta, hori dela eta, lankideek hainbat mobilizazio egin zituzten abenduan. Bada, Gabonetako oporretatik bueltan, Hiriartek kaleratze gutuna jaso eta gero, Sokoako langileek batzar bat egin dute erabaki horren aurrean zein urrats emango dituzten zehazteko eta Hiriarti berari elkartasuna adierazteko.

Auzitegietara joko dute Sebastien Hiriarten kaleratzea dela eta, zuzendaritzak asmatutako aitzakia bat baliatu duelako erabakia hartzeko: produktibitatea ez lortzea. "Argi dugu Sebastien Hiriart apirilaz geroztik soldata negoziazioen karietara egindako greba mugimenduan parte hartze aktiboa izan duelako kaleratua izan dela", azaldu dute langileen ordezkariek.

"Inoiz baino lan eta ekoizpen handiagoa" dutenean gertatu da kaleratzea, Macron Legea baliatuta, gainera; kalte-ordain "merke" baten truke. "Gaur Sebastien Hiriart da, eta bihar ezin izango da?", galdera egin dute langileek.

46 urtetan, lehen aldia da kalearatze bat ematen dela Sokoan. Enpresak kanpora begira balio batzuk erakusten dituela adierazi dute langileen ordezkariek, baina Sokoaren benetako balioak bestelakoak direla ohartarazi dute.

 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.