Oreretako Biteri kalean dagoen Enrike Rodriguez Zarzuelo farmazian, lehen Olaziregi zena, langile bat kaleratu du nagusiak arrazoi ideologikoengatik. Hain zuzen ere, martxoan, bi langilek hauteskunde sindikalak egiteko nahia adierazi zutenean hasi ziren euren kontrako erasoak. Ordutik, bai nagusiaren aldetik, baita beste bi langileeen aldetik ere, sekulako jazarpena bizi izan dute. Etengabeko liskarrak, kontrolak edo tranpak izan dituzte. Eta noski, azkenean, lortu dute. Merkeen ateratzen zaion langilea kaleratu dute. Modu honetan, indar korrelazioan berdinketa egotetik, langileria borrokalaria gutxiengoan utzi dute.
Hau onartezina da. Ezin dugu XXI. mendean, hauteskunde sindikalak babesteagatik kaleratzerik onartu. Ezin zaitezke kaleratua izan nagusiarekin “ongi moldatzen ez zarelako”. Hauteskundeak egiten saiatu ginenean, Enrike Rodriguez nagusiaren gehiegikeriak ikusi genituen, langileongan eragiten zuen presioa.
Beraz, lau langiletik bik bide errazena hartu dute, nagusiaren esanetara egotea. Eta beste biek kaleratzeko mehatxua izan dute ordutik, lehenari iritsi zaiolarik. Kaleratze gutuna eman ziotenean gaizki moldatzen zirelako zela esan zioten baina langile fina zenez, gomendio gutuna eman zioten. Nola ulertzen da hau?
Ez dugu onartzen, Itxaso mostradorearen beste aldean nahi dugu!