LAB SINDIKATUA

2018/10/18 :: 19:31

Azken Eguneraketa:2018/10/20 :: 12:48

HIZKUNTZA
Hemen zaude: ARLOAK LAN OSASUNA Prekarietatea Hiltzailea Bat egin dugu Arcanorreko langileek biharko Orozkon deitutako bi orduko lanuzteekin eta egingo den manifestazioarekin

Bat egin dugu Arcanorreko langileek biharko Orozkon deitutako bi orduko lanuzteekin eta egingo den manifestazioarekin

E-posta Inprimatu PDF fitxategia
Partekatu albistea



Hil egin da maiatzaren 30ean zauritutako bigarren langilea.

Maiatzaren 30ean Orozkoko Arriberri harrobian, Arcanor enpresako 54 eta 47 urteko langileek istripu larria izan zuten makina batek harrapatu ondoren. Langileak, larri zaurituta, Gurutzeta erietxera eraman zituzten, eta egun berean hil egin zen langileetako bat lan istripuaren ondorioz.

Ostiralean jakin izan dugu larri zauritua zegoen beste langilea hil egin dela.

Lehenik eta behin LAB sindikatutik gure elkartasuna eta babesa adierazi nahi diegu hildako langilearen familia eta gertukoei.

Azken heriotz honekin 23 dira gutxienez Hego Euskal Herrian hildako langileak eta salatu behar dugu heriotz guztiek faktore amankomun bat dutela oinarri, prekarietatea. Lan istripuak ez dira kasualitate kontua, enplegu eta lan baldintza kaxkarrak, azpikontratazioa, behin-behinekotasuna eta benetako prebentzio ezaren ondorio zuzena dira.

Lan istripuek erantzule zuzenak dituzte. Alde batetik patronala, irabazi ekonomikoak lehenesten dituena langileen segurtasuna eta bizitzaren aurretik. Bestetik administrazioak, egoera honen konplize bilakatu direnak. Prebentzioa egiten dutela esan bai, baina darabiltzaten politikek eurekin dakarte lan-baldintzak hondatzea. Argi dago prekarietateari ez diotela aurre egin nahi. Prekarietatea handitzen ari da eta lan baldintzak ez dira hobetzen, kaxkartu baino.

Gaur egungo egoera aldatzeko eta istripuak ekiditu nahi badira, lan baldintzak ezinbestean hobetu behar dira. Borroka eta mobilizazioan jauziak emateko prest gaude, lan istripuak eta horren atzean dagoen prekarietatea lehen mailako arazo politikoa bilakatu arte.

Lan istripuen kontua arazo sozial eta politikoa ere bada, beraz, lan munduaz gain gizartetik ere erantzuna etorri beharko litzatekeelakoan gaude. Bide horretan ikusten dugu Arcanorreko langileek egindako deialdia zeinekin bat egiten dugun. Ekainaren 12an bi orduko paroa Orozkoko herrian, 12etatik 14etara, eta 12:30ean manifestazio ixila Orozkoko herrian zehar.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.