LAB SINDIKATUA

2018/09/21 :: 11:28

Azken Eguneraketa:2018/09/21 :: 6:24

HIZKUNTZA
Hemen zaude: ARLOAK LAN OSASUNA Prekarietatea Hiltzailea LABek Nafarroako azken bi lan istripu mortalak deitoratu eta haien inguruabarrak argitzeko exijitu du

LABek Nafarroako azken bi lan istripu mortalak deitoratu eta haien inguruabarrak argitzeko exijitu du

E-posta Inprimatu PDF fitxategia
Partekatu albistea

LAB sindikatuak bere elkartasuna adierazi nahi die ortzegunean Sakana S.Coop enpresan istripua izan eta atzo hil zen Yeray Lanz Azpilikueta 30 urteko langileari, bere familiari eta lagunei, bai eta ortziralean Tebasen hil zen Mikel Diaz Oiaga 45 urteko Sarrigurengo kamioilariari, bere familiari eta senideei ere.

Sindikatu honek erakundeei eta patronalari exijitzen dio bi ezbehar horien inguruko guztiak argitzea, prebentzio neurriak hartu ziren ala ez eta egokiak ziren ala ez argitzea.

Aurten, dagoeneko, 14 pertsona hil dira Euskal Herrian lanean; horietatik zazpik errepidean galdu dute bizia, gidari eta garraiolariak baitziren. Datu horiek guztiak eta prekarietatearen ondorioak gizarteratzea nahitaezkoa dela kontuan hartuta, LABek dei egiten du lan istripuak deitoratzeko eta salatzeko antolatuko diren ekitaldietan partze hartzera.

Prekarietatea, enpleguaren kalitate eskasa eta prebentzio neurri egokiak ez hartzea izan ohi dira lan istripu eta gaixotasunen oinarrian dauden egiturazko arrazoiak: azpikontratazioa, aldi baterakotasunak, kontratu partzialak, lan erritmo biziak, formakuntzarik eza... Larriena dena da horren guztiaren atzean dagoen zio bakarra enpresen diru gosea dela. Lan kosteak murriztuta irabazi tasak mantenduz sakontzen da prekarietatean, eta ez da beharrezko prebentzio neurriak hartzen. Batzuek gehiago irabazten jarraitzeko, gero eta gehiago dira egunero-egunero beraien bizitza arriskuan jartzera behartuak diren langileak, baita hiltzen direnak ere. Hala, istripu ia guztiak oinarrizko segurtasun neurri batzuekin ekidin zitezkeela azpimarratu nahi dugu. Normalean, prekarietate egoera gordinetan gertatutakoak izaten dira istripuak, eta halakoek agerian uzten dute prebentzio arloan atzera goazela prekarietatearen ondorioz.

Iruñea, 2018ko martxoaren 17a  


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.