2024-06-17
HomeEkintza SindikalaZerbitzu publikoen pribatizazioa salatu dugu Bermeon

Zerbitzu publikoen pribatizazioa salatu dugu Bermeon

Bizkaian jarraitzen du Ekimen Ibiltariak, "Lan duina, bizi duina" aldarriarekin bueltaka. Bermeora iritsi gara gaur, eta zerbitzu publikoen pribatizazioa salatu dugu; Osakidetzan ematen diren pribatizazioak, besteak beste. Era berean, udal zaharren egoitza hizpide izan dugu, pribatua eta publikoaren arteko gatazkaren adibide, eta arazo hori langileen lan baldintzen eta herritarrek jaso beharko luketen kalitatezko zerbitzuaren kalterako dela berretsi dugu.

Dinamika ibiltaria Bilbora iritsiko da bihar, eta larunbata arte geratuko da bertan. Hain zuzen ere, aldarrikapen eta jardueraz betetako egitarau zabal bat prestatu dugu hiribururako.

Biharko aurreikusitako jarduerei dagokienez, hiriko auzoen arteko ezberdintasunek langileon bizi eta lan baldintzetan duten eragin zuzena azaleratuko dugu. Hala, goizean zehar, auzoetan material banaketa eta furgonetarekin bira egingo dugu.

Arratsaldean, berriz, 17:00etatik 19:00ak bitartean, prekarietatearen aurkako gunea egokituko dugu Errekaldeko plazan. Karpan hainbat euskarri eskuratu ahala izango dira, eta hitzartzeak ere aurreikusi ditugu: LAB Pentsionistak arloko kide Karlos Ruizek hitza hartuko du, Oskar de los Bueisek Errekaldeko eskubide sozialen aldeko dinamika aurkeztuko du eta LAB Jangelak arloko Yolanda Formosok "Jantokitik jangelara" dinamikari buruzko azalpenak eskainiko ditu.

Era berean, protestarako tartea izango da. Osasun etxean elkarretaratze bat egingo dugu.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.