2024-03-28
HomeBidalketak2013URRIAK 25. Euskal Estatuari bidea zabalduz, LABen mintegia Durangon

URRIAK 25. Euskal Estatuari bidea zabalduz, LABen mintegia Durangon

LAB sindikatuarentzat ostiral hau, urriak 25, lan eguna izango da. Data honetan Gernikako Estatutua ospatzera behartu nahi gaituzte, baina Gernikako Estatutua eta haren kudeatzeaileak ez dira gauza izan euskal langileen beharrei erantzuteko. LABetik diogu ez dagoela zer ospatu, Estatutuak egungo egoerari aurre egiteko beharrezkoak ditugun burujabetza politikoa eta ekonomikoa ekarri ez dituenean.

Urriaren 25a Euskal Herriaren burujabetza aldarrikatzeko eguna da LABentzat. Eta aurtengoan ere horrela egingo du, inoiz baino gehiago, aldarrikapena praktira eramanez, ekimen zehatz baten bueltan:

EUSKAL HERRIKO SOZIOEKONOMIA ardatz hartuta, Ipar Hegoa Fundazioak antolaturiko jardunaldia egingo du sindikatuak Durangon, Landako erakustazokan (Landako etorbidea 6).

"Euskal Estatuari bidea zabaltzen" izenarekin LABen Ipar Hegoa Fundazioak osatutako liburu bildumaren haritik, liburu horietan jasotzen diren gogoetak konpartitu eta sakontzeko gai desberdinen inguruan abian jarritako mintegi sortari amaiera emango dion jardunaldia egingo da ostiralean. Mintegi honek bi zati nagusi izango ditu: Euskal Herriko argazki eta erronka sozioekonomikoen ingurukoa lehena, eta Sozioekonomia eta Estatuaren beharrak eta aukerak lantzeko, bigarrena.


 

Euskal Estatuari bidea zabaltzen
Herrigintza eta erakundeak
Mintegia Iruñean, 2013ko Otsailaren 16an






Euskal Estatuari bidea zabaltzen
Herritartasuna
Mintegia Iruñean, 2013ko Martxoaren 9an




Euskal Estatuari bidea zabaltzen
Euskara eta Kultura
Mintegia Eibarren, 2013ko Apirilaren 13an





Euskal Estatuari bidea zabaltzen
Euskal Estatua eta Lurraldea
Mintegia Laudion, 2013ko Maiatzaren 25ean




AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.