Etiketak: Bizkaiko metalgintza

Bigarren bilera egin dugu Bizkaiko metalgintzaren inguruan, Eusko Jaurlaritzaren bitartekaritzarekin, eta alderdien arteko desadostasunak aztertzen jarraitu dugu. Asteleheneko bileraren ostean, Eusko Jaurlaritzak proposamen bat jarri du mahai gainean, baina ez da nahikoa alderdientzat. Lanean jarraitzeko konpromisoa hartu dugu eta datorren ostiralean elkartuko gara berriro.

Gaur, Bizkaiko metalaren bitartekaritzako lehen bilera egin da, Eusko Jaurlaritzako Lan eta Enplegu Sailaren parte-hartzearekin.

Bizkaiko metalgintzako hitzarmen duin baten alde langileon borroka babesteko eta deklaratzera deitutako 8 pertsonei gure elkartasuna adierazteko mobilizatu gara gaur goizean Bilboko epaitegien aurrean.

Bizkaiko metalgintzako gehiengo sindikalak oso positibotzat jo dugu gaurko egunaren jarraipena, aurreko jardunaldien ildotik, % 85 ingurukoa izan baita. Gehiengo sindikalak mahaian negoziatzeko deia...

Gaur, hilaren 29an, asteartea, zortzigarren greba eguna izan da Bizkaiko metalaren sektorean, aurreko zazpi egunetan bezain jarraipen sendoarekin. Informazio-piketeen ekintza Durangaldean zentratu da, goizeko lehen orduetatik eskualdeko industrialdeak zeharkatuz eta metaleko enpresa guztien ekoizpena kaltetua izan dela eta hauetako gehienek gelditu egin behar izan dutela egiaztatuz.

Gaur egin da Bizkaiko metalgintzako hitzarmenaren negoziazio-mahaiaren seigarren bilera. Aurreko bileran, patronalari eskatu zitzaion aitzakiak alde batera uzteko eta sindikatu guztiok gure plataformetan jaso ditugun gaiei erantzuteko: KPIaren gaineko soldata-igoerak, lanaldi-murrizketa, aldi baterako ezintasunen osagarriak, ordaindutako lizentzien hobekuntza, jarduera guztietarako subrogazioa, errelebo-kontratuaren aplikazioa, aparteko orduei buruzko neurriak, behin-behinekotasuna eta ABLEak mugatzeko neurriak, telelanaren erregulazioa...

Gaur osatu da Bizkaiko metalgintzako hitzarmen berriaren negoziazio-mahaia, azkena sinatu zenetik bi urte igaro direnean.