2023-12-07
HomeIndustriaMetalgintzaSEAk ez du inolako konpromisorik hartu Araban Metaleko langile guztien lan baldintza...

SEAk ez du inolako konpromisorik hartu Araban Metaleko langile guztien lan baldintza minimoak arautuko dituen hitzarmena adosteko

Gaur Arabako Metalgintzako Hitzarmenaren negoziazio mahaia burutu da. Bertatik atera den konklusio nagusia, SEAko ordezkariek lan erreformak eskaintzen dizkien aldebakartasuna aprobetxatu nahi dutela da. Ez dute inolako konpromisorik hartzen Araban metaleko langile guztien lan baldintza minimoak arautuko dituen hitzarmena adosteko.

Gaurko bileraren hasieran LABek konzentrazio bat burutu du CRL-LHKko egoitzaren aurrean “Arabako metaleko hitzarmenaren alde, langileok borrokan”, mobilizazioaren garaia delakoan baikaude. Ia 40 langile eta delekatu bildu dira SEAri argi eta garbi esateko metaleko hitzarmenaren aldeko apustua egitea beraien esku dagoela eta konpromisoa hartzeko garaia dela, hitzarmena uztailean desagertzeko arriskuan dagoelako.

Bileran bertan, ordea, SEAko ordezkariak bere horretan mantendu dira. Lan erreformak eskaintzen zaien aldebakartasuna aprobetxatu nahi dute eta ez dute inolako konpromisorik hartzen Araban metaleko langile guztien lan baldintza minimoak arautuko dituen hitzarmena adosteko.

Aitzakia legalak argudiatzen dituzte baina guk argi dugu borondate kontua dela, beste hitzarmen batzuetan egin bada posiblea dela ere metalean gauzatzea. Erreformari esker SEAk lan harremanak aldebakartasunean oinarritu nahi baditu, mobilizazioa eta borroka besterik ez zaizkigu gelditzen bere posizioetatik mugitzeko.

LABek hemengo hitzarmenen defentsan proposamenak eta mobilizazioak egin ditu; beste sindikatuek ere erabaki behar dute zer egiteko prest dauden erreformari aurre egiteko. Ildo horretatik, eskua luzatzen diegu bide amankomun bat egiteko.

LABen proposamena
Atzerapenik gabeko hitzarmena mantendu, KPI + %1,5eko soldata igoera urte bakoitzean eta hitzarmen bera blindatzea (ultraktibitate printzipioa, minimoen izaera edukitzea Arabako enpresa eta langile guztientzat eta inaplikazioak eta lan baldintzen aldaraztea ordezkaritza sindikalarekin adostea, derrigorrezko arbitrajea baztertuz).
 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.