2024-07-14
HomeEkintza Sindikala"Negoziazio kolektiboaren erreformak egoera are eta larriago bihurtu dezake"

“Negoziazio kolektiboaren erreformak egoera are eta larriago bihurtu dezake”

LABek negoziazio kolektiboan izango duen jarrera argitzeko prentsaurrekoa eskaini dute gaur Donostian sindikatuko idazkari nagusi Ainhoa Etxaidek, ekintza sindikaleko arduradun Garbiñe Aranburuk eta enplegu politikako idazkari Oihan Ostolazak.


Zabalik dagoen negoziazioari begirakoak eta negoziazio kolektiboaren erreforma bera izan dituzte aztergai. Negozaziazio kolektiboak bizi duen blokeo egoeraren aurrean patronala erantzule egin dute LABeko bozemaleek. Halaber, erreformak egoera are eta larriago bihurtu dezakeela ohartarazi dute. LABek bi erreferentzia nagusi izango ditu egoerari aurre egiteko: langileen eskubideen eta interesen defentsa hitzarmenen negoziazioetan, eta negoziazio kolektiboaren erreformari aurre egitea.

Negoziazio kolektiboko estrategia eraginkor bat bilatzea izango da LABentzat lehentasun nagusietako bat. Akordio baterako proposamena egin du sindikatuak, akordio horren lanketa sindikatu, patronal, instituzio eta eragile politikoen artean egin behar dela azpimarratuz.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.