2025-05-14
HomeEkintza SindikalaPertsona aldatzeaz haratago, LABek ez ditu aldaketak aurreikusten CONFEBASKen

Pertsona aldatzeaz haratago, LABek ez ditu aldaketak aurreikusten CONFEBASKen

Gaur Roberto Larrañaga CONFEBASKeko lehendakari berri izendatu dute. Bere pertsonaren inguruan ezer gutxi du LABek esateko. Guri interesatzen zaiguna da zertara datorren eta zentzu horretan pertsona aldatzeaz haratago, aldaketa gutxi aurreikusten dugu CONFEBASKen.

Azken lau urte hauen inguruan ezin dugu balorazio positiborik egin. Miguel Angel Lujuak esan du pendiente utzi dituenen artean dagoela lan harremanei eta negoziazio kolektiboari bultzada berri bat ematea. Lotsa gutxi behar da hori esateko. Nork eta akordiorako aukera oro baztertu duen patronalaren buru izan denak esatea penaz ikusten duela lan harremanetan bizi dugun egoera benetan onartezina da.

1999an CONFEBASKek enpleguaren mahaia apurtu zuen eta patronal hau bera izan da azken lau urteetan negoziazio kolektiborako marko propioa erdiesteko bi akordio interprofesionalen saiakera zapuztu dituena. 2013an izan zen azken saiakera eta Urkullu bera jokoz kanpo utzi zuten.

Hala ere Eusko Jaurlaritzak ez du inolako erreparorik izan koloreak gorritu arazi zizkion erakundeari babes politiko eta zilegitasun osoa ematen jarraitzeko.

Legeek eta bereziki azken lan erreformak ia erabateko aldebakartasuna eman die. Ondorioak ezagunak dira: langabezia, prekarietatea eta pobrezia. Legeek ematen dietena gutxi ez eta negoziazio koloektiboa guztiz blokeatzen dute, baldin eta abantaila berriak eskuratzeko ez bada, baldin eta prekarietatean sakontzeko ez bada.

Tartean ezagutu dugu baita ere CONFEBASKek LAB eta ELA lan mundutik kanpo uzteko eginiko saiakera. Inoizko patronal harroputz eta antidemokratikoena daukagu. Elite bat baino ordezkatzen ez duena, herri honen lan harreman eta garapen eredua baino gutxi batzuen poltsikoak betetzeko helburua duena. Eta noski horretarako oztopoak garenok ixilarazi nahi gaituzte.

Lehendakari berriak, CONFEBASK orain arteko bidetik eramateko asmoa badu, aurrez aurre izango gaitu, ez dugu amore emango eta ez dugu eurek jarri diguten joku zelaian eta zulatutako baloiarekin partida jolastuko.

Lantokietan, kalean egongo gara. Ekintza sindikala indartu eta langileen ondoan izango da sindikatua alternatiba eraikitzen eta lan harreman eredu berri bat aldarrikatzen.

 

 

 

AZKEN ALBISTEAK | ÚLTIMAS NOTICIAS

Confebasken aurkako epaiketa egin dute, kimika sektoreko negoziazio kolektiboan fede txarra izateagatik

2023az geroztik, LAB, ELA eta UGT sindikatuok mahai bat irekitzeko eskatzen ari gara, EAEko sektoreko 17.000 langileen baldintzak hemen finkatuko dituen hitzarmen bat negoziatzeko.

Bizkaiko Ur Partzuergoko azpikontratetako langileak kolektiboki antolatzen eta borrokatzen hasi dira

Acciona, Sacyr, Fcc Aqualia, Gestagua, Inaraqua, Cadagua enpresek, beste askoren artean, prekarizatu egiten dituztela azpimarratu dute langileek. Hitzarmenen negoziazioak blokeatzearen, azpikontraten arteko arrakaletan sakontzearen edota hitzarmen estatalak aplikatzearen errudunak dira.
00:01:15

Funtzio publikoan greba egin dute Ipar Euskal Herrian, lan baldintza eta zerbitzu publiko duinen alde

Greba eguna Ipar Euskal Herrian, funtzio publikoan. Kolektibitateetako, administrazioko, irakaskuntzako, medikuntzako langileak… Karrikan izan dira, lan baldintza eta zerbitzu publiko duinen alde.