2026-11-20
HomeEkintza PolitikoaParisera joateko deia luzatu du Batzorde Exekutiboak

Parisera joateko deia luzatu du Batzorde Exekutiboak

Datorren larunbatean, abenduak 9, Bakearen Artisauek deituta, manifestazio bat izango da Parisen, “Orain, presoak” leloarekin. Hain zuzen ere, mobilizazio horretara joateko deia luzatu du gaur LABeko Batzorde Exekutiboak, euskal presoen egoerari behingoz heldu behar zaiola nabarmendu eta gero. LAB sindikatuak ordezkaritza bat izango du Parisen, Garbiñe Aranburu idazkari nagusia buru. Foro Sozial Iraunkorrak bultzatuta elkartu ginen urrian Bilboko Plaza Berrian, larunbateko manifestazioaren berri emateko.
 
Datorren larunbatean, abenduak 9, Bakearen Artisauek deituta, manifestazio bat izango da Parisen, “Orain, presoak” leloarekin. 11:30ean izango da 1940ko Ekainaren 18ko plazan, Gare Montparnasseren ondoan.

Hain zuzen ere, mobilizazio horretara joateko deia luzatu du LABeko Batzorde Exekutiboak, euskal presoen egoerari behingoz heldu behar zaiola nabarmendu eta gero. LAB sindikatuak ordezkaritza bat izango du Parisen, Garbiñe Aranburu idazkari nagusia buru.

Foro Sozial Iraunkorrak bultzatuta elkartu ginen urrian Bilboko Plaza Berrian, larunbateko manifestazioaren berri emateko.
Gure egiten ditugu berriro ere Bilboko agerraldian botatako hitzak: “Beraz, gaur eta hemen, berriro egiten diegu dei gure herriko eragile politiko, sindikal eta sozialei, eta hiritar guztiei ere bai, esku-har dezaten eta herri bakoitzean, auzo bakoitzean, lantoki bakoitzean, fakultate bakoitzean eta ikastetxe bakoitzean bozeramaile moduan joka dezaten eta, gero eta ahots gehiago gehituz, Bakearen Artisauen ekimenari sostengua ematen dion mezu hau transmiti dezaten. Frantziako Estatuan euskal presorik gabeko behin betiko bakerantz urrats erabakigarria emateko helburuarekin, Parisen bihotzean abenduaren 9an ospatuko den manifestazioan esku-hartzera animatuz. Horrek, zalantzarik gabe, lagunduko baitu akordioetan aurrerapausoak ematen, hemen, Euskadiko Komunitate Atonomoan eta Nafarroan”.

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.