2026-02-06
Blog Page 965

Langabeziaren beherakadak izkutatu egiten du bizi dugun prekarietate egoera

admin
-
0

Gaur kaleratu diren EPA inkestaren arabera, Hego Euskal Herrian 157.000 langabe zenbatu dira 2016. urteko laugarren hiruhilekoan, aurreko hiruhilekoan baino 14.700 gutxiago. Hala ere, ekonomiaren hazkundea ez da modu justu eta zentzuzkoan nabaritzen lan munduan eta salatu beharra dago datu positibo hauek ezkutatzen dutena: pobrezia eta prekarietatea zabaltzen ari dira jendartean.

Gaur kaleratu diren EPA inkestaren datuen arabera, Hego Euskal Herrian 157.000 langabe zenbatu dira 2016. urteko laugarren hiruhilekoan, aurreko hiruhilekoan baino 14.700 gutxiago eta urte bat lehenago baino 16.800 gutxiago. Langabezia tasa %11,75ekoa da.

Landun kopuruak, aldiz, gora egin du Hego Euskal Herrian nahiz eta laugarren hiruhilekoan gutxitu egin den EAEn.

Hala ere, ekonomiaren hazkundea ez da modu justu eta zentzuzkoan nabaritzen lan munduan eta salatu beharra dago datu positibo hauek ezkutatzen dutena:

2016 urtean Hego Euskal Herrian 1.284.322 kontratu sinatu dira, baina hauetatik 84.571 soilik izan dira finkoak, hau da, kontratuen %6,6. Gainerako 1.199.751 kontratuak (%93,4) aldi baterakoak izan dira.

Gainera, lanaldi partzialeko kontratuen erabilera ere ugaritzen ari da eta sortu den enpleguaren %40 lanaldi partzialekoa izan da.

Bestalde, epe luzeko langabeen kopurua ere izugarria da eta horren ondorioz langabeziagatiko babes sistemak eskaintzen duen estaldura tasa oso ahula da. Gaur egun 3 langabetik 1ek baino gutxiagok jasotzen du langabezia prestazioa.

Beraz, datu hauek garbi erakusten dute pobrezia eta prekarietatea zabaltzen ari direla jendartean, landun eta langabeen artean, eta ezinbestekoa dela neurri eraginkorrak hartzea kalitatezko enplegua sortzeko.
 

 

 

“Lanean jarraituko dugu igande eta jai egun bakar batean ere ireki ez dadin”

admin
-
0
“Lanean jarraituko dugu igande eta jai egun bakar batean ere ireki ez dadin”


Jaietan Denok Jai plataformako ordezkariek, LABeko kideek barne, elkarretaratzea egin dute gaur Donostiako udaletxearen aurrean. Hain zuzen ere, igande eta jai egunetan irekierak "zero" izateko aldarrikapena egin dute, Turismo Handiko Barrutia izendapena dela-eta Udalak hartutako neurriak salatzeko. Donostiako agintariek sustatutako hiri eredua kritikatu dute, "garrantzitsuena" ahaztu egin dutelako: herritarrak eta hauen lan baldintzak. "Guretzako hori da lehentasuna", nabarmendu dute.

"Igande eta jai egunetan irekiera zero izateko aldarrikapena ez da berria, urte luzeak eman ditugu borroka honekin, argi dugulako bizitza familiarra eta profesionalaren kontziliaketaren aurka doala. Gainera, ez du enplegua sortzen, nahiz eta batzuek hala saltzen diguten. Aldi berean, ondorio argi bat ekartzen du: bizitzaren prekarizazioa".

Jaietan Denok Jai plataformako kideen adierazpenak dira hauek, Donostiako udaletxearen aurrean gaur gauzatutako protestan egindakoak. LAB, ELA eta CCOO sindikatuak daude plataformaren barruan, eta mobilizatzeko beharra ikusi dute, Donostiako agintariek hartutako neurriak direla eta.

Hain zuzen ere, sindikatuek kexa bat aurkeztu zuten udaletxean, uztailaren 28an, Turismo Handiko Barrutia izendapena dela eta. Idazki horren bidez eskatu zuten 2017rako barrutia 2015. urtea arte egin ohi zuten bezala zehazteko; hau da, uztaila eta abuztuan, Parte Zaharreko kale jakin batzuetan ireki ahal izatea igande eta jai egunetan. Kontua da, 2016. urtean, zehaztapena ez zela inorekin adostu; Udalak bere kabuz egin zuen. Horren arabera, urte osoko igande eta jai egunetan irekitzeko aukera eman zien Parte Zahar osoko, Bretxa merkataritza guneko eta Zurriola hiribideko dendeei. Bada, 2017an, udal gobernuak 2016. urterako inposatutako definizio berarekin jarraitzen du.

Plataformako kideek mozio, kexa, erreklamazio eta hainbat izapide egin dituzte erabaki horren aurka. Urrutira joan gabe, gaurko udalbatzarrean hitza hartzea aurreikusita dute. Hala ere, sindikatuak kexu dira Udalaren jarrerarekin, bilera batera besterik ez baititu deitu, Merkataritzako zinegotzi Ernesto Gascorekin izandakoa. Eta bilera horrek, gainera, bazterrak nahastu zituen."Gascok prentsan adierazi zuen gurekin adostasun batera iritsi zela eremu hori mantentzeko. Sindikatuok berehala egin genuen prentsa oharra, Gasco gezurretan ari zela salatzeko", ekarri dute gogora plataformako lagunek.

Honen harira, LAB, ELA eta CCOO sindikatuetako ordezkariek garbi utzi dute erabaki hori PSE-EEk eta EAJk hartu zutela, "inorekin adostu gabe, are gutxiago gurekin". Sindikatuen hitzetan, "jakin badakigu ez dela borroka erraza, baina lanean jarraituko dugu, hemen, igande eta jai egun bakar batean ere ireki ez dadin".
 

 

 

Elkarrizketa Sozialeko Kontseilua arbuiatu eta enplegu plana ez bahitzea eskatzen dugu

admin
-
0

Nafarroako Gobernuak LAB eta ELA gonbidatu ditu, prentsa bidez, Elkarrizketa Sozialeko Kontseiluaren markoan enplegu planaren inguruan eztabaidatzeko. Alabaina, Gobernuak jakin badaki LAB ez dela inolaz ere marko horretara joango, bi arrazoi sendo direla medio.

Lehenik eta behin, Elkarrizketa Sozialaren Kontseilua UPN eta PSNk pasa den legegintzaldiaren amaieran sortutako instituzioa da, elkarrizketa sozialeko eredu jakin bat, 1995etik CEN, UGT eta CCOOek monopolizatu dutenak hain zuzen ere, instituzionalizateko asmoz. Aipatutako eredu horrek ustezko "bake soziala" irudikatzen du, Patronalak lan erreformaren bidez langileriaren kontrako gerra egiten duen bitartean. Erabateko porrota izan da langileontzako, gure lan eta bizi baldintzak 1995ean baino kaxkarragoak baitira gaur egun. Elkarrizketa Soziala, gainera, Erregimen baztertzaile, ustel eta antisozialaren ardatz soziala izan da.

Bigarrenik, 2016ko uztailetik Elkarrizketa Sozialaren Kontseiluak ez du gehiengo sindikal bat ordezkatzen, UGT eta CCOOen ordezkaritza %49,42raino jaitsi baita; hilabetez hilabete murrizten ari da gainera.

Gobernuak bere gonbidapena egin duenean, jakin bazekien LABek ez zuela onartu behar, hortaz fede txarrez egin duela uste dugu. Bere unean Gobernuari esandakoa berresten dugu: Nafarroako Gobernuak eskubidea du Enplegu planaz nahi duen tokian eta nahi duen eragileekin eztabaidatzeko, baina Enplegu Planaren egitura eta edukien inguruko erabakia, nahiz bere azken onarpena, ezin liteke izan Elkarrizketa Sozialeko Kontseiluaren eskumena.

LABek ekarpen ugari egin zizkion Enplegu Planari duela hilabete bat eta Gobernuaren erantzunaren zain dago oraindik.

LAB ez da joango Elkarrizketa Sozialeko Kontseilura eta Enplegu Planaren eztabaida eta onarpena marko horretara mugatzearen kontra egingo du. Berriro ere eskatzen diogu Nafarroako Gobernuari Elkarrizketa Sozialaren Kontseilua disolbatu eta Nafarroan lan harreman eredu berri baten inguruko eztabaida ireki dezan.
 

 

 

La Milagrosako langileek itxialdia hastea erabaki dute

admin
-
0
La Milagrosako langileek itxialdia hastea erabaki dute


La Milagrosako Ikastetxea ixteko arriskuan zegoela jakin zenetik 17 egun pasa dira. Egun hartatik, istituzio eta eragile ezberdinek ez dute inolako neurririk hartu egoera konpontzeko. Inmobilismo honen aurrean La Milagrosako langileek, itxialdia hastea erabaki dute.

Egun hauetan instituzio zein eragile ezberdinekin bilduta dira langileak; Hijas de la Caridad, Miranda fundazioa, Barakaldoko Udala eta Hezkuntza Sailarekin. Euren esanetan inork ez dauka ardura zuzena eta besteei leporatzen diete ardura. Bitartean 350 familia, 39 langile eta Barakaldoko herritarrak hezkuntza proiektu gabe geratuko dira. Gatazka honen korapiloa askatu ahal izateko alde ezberdinen borondatea behar da. Eta hori da, hain zuzen ere, falta dena.

Irabazi asmorik gabeko eta izaera soziala duen Miranda Fundazioak interes ekonomikoak baino ez ditu begiratzen. Hijas de la Caridadeko monjek (Kristau Eskola), ikastetxearen itxiera ahalik eta merkeen egin eta Barakaldoko Udalak eta Hezkuntza Departamentuak “arazo” hau nola kendu gainetik koste politikorik ordaindu gabe. Bakoitzak bere zilborrari begira arazoari konponbidea eman gabe.

Hau guztia dela eta, itxialdi honen bidez, instituzio eta eragile ezberdinei La Milagrosako hezkuntza proiektua aurrera jarraitzeko dituzten tresnak eta aukera ezberdinak ahalbideratzea (titulartasunaren aldaketa, zerbitzu publikoaren errebertsioa…) exijitzen diete. Horrez gain argi utzi dute egoera aldatu ezean mobilizatzen jarraituko dutela.
 

 

 

#U30GrebaOrokorra

admin
-
0

PARTEHARTZEA MANIFESTAZIOETAN

Eguerdiko mobilizazioetan, 145.000 lagun batu gara lan, pentsio eta bizitza duinen defentsan

PARTICIPACIÓN EN LAS MANIFESTACIONES
 En las manifestaciones del mediodía nos hemos movilizado 145.000 personas en favor de un trabajo, unas pensiones y una vida dignas.
 

{jcomments off}
{module [727]}

{jcomments off}

{module [732]}

{jcomments off}

{module [733]}

{module [729]}

Garbiñe Aranburu

Igor Arroyo

Arantxa Vazquez

Eñaut Aramendi

Imanol Karrera

{module [730]}

{jcomments off}

{module [728]}

Elkartasuna adierazi diogu Loiolako herri harresiagatik bihar epaituko duten Estebani

admin
-
0

Edesa Industrialeko eta Geyserreko LABek babesa eskaini diote euren lankideari. Akusazioak 3 urteko kartzela eta 21.292 euko zigorra eskatzen ditu bere aurka, eskubide zibili eta politikoen alde borrokatzeagatik.

2014ko irailean, 28 gazte euren militantzia politikoagatik Espainiako Auzitegi Nazionalean epaituko zituztela jakin zenean, Askegune bat sortu zuten Loiolan. Bertan zegoen gure lankide den Esteban ere, eskubide zibil eta politikoen alde bera alea emanez.

Ertzaintza bortizki oldartu zen modu baketsuan protesta egiten ari zirenen aurka. Esteban odoletan atera zuten eta atxilotu, “autoritatearen aurkako atentatua” egotzita.

Bihar, urtarrilaren 26an, epaituko dute Esteban Donostian. Akusazioak 3 urteko kartzela eta 21.292 eurotako zigorra eskatzen ditu bere aurka.

Muntaia polizial hau salatu eta Estebani gure elkartasunik beroena adierazi nahi diogu. Oso harro gaude honelako lankide bat izateaz. Injustizia bat salatu eta bere elkartasuna adieraztera joan zen Esteban Loiolara, eta honela ordainarazi diote. Orain, geu gara Estebani elkartasuna adierazi eta gure babes osoa adierazten diogunak.
 

 

 

Garoña betirako ixteko eskatuko dugu bihar Bilbo eta Gasteizen

admin
-
0
Garoña betirako ixteko eskatuko dugu bihar Bilbo eta Gasteizen


Garoñaren Kontrako Foroak elkarretaratze batera deitu du biharko, 13:00etarako, Gasteizko Legebiltzarraren aurrean. LAB Foroa osatzen duten eragileen artean dago, eta beste energia eredu baten aldeko aldarrikapena babestuko dugu. Bizkaian ere mobilizatuko dira bihar, 10:30ean, Bilboko Eusko Jaurlaritzaren egoitzaren aurrean.

Garoña 2031. urtera arte ustiatzeko baimena eskatu du Endesak eta Iberdrolak osatutako enpresak. Hortaz, 2012. urtean itzalitako zentral nuklearra irekitzeko arriskuak egunerokoa kolpatu du berriro. Hori dela eta, Garoña betirako ixteko eskatzeko, eta beste energia eredu bat aldarrikatzeko, Garoñaren Kontrako Foroak elkarretaratze bat egingo du bihar, 13:00etan, Gasteizko Legebiltzarraren aurrean. Era berean, Bizkaian ere mobilizatuko dira. Kasu honetan, Eusko Jaurlaritzaren Bilboko egoitzaren aurrean izango da, 10:30ean.

Hain zuzen ere, hauxe da, Bilboko deialdiaren harira, Bizkaiko Garoñaren Kontrako Foroak kaleratutako oharra:

Urtarrilaren 26an, Garoñako zentral nuklearra berriz ere martxan ez jartzeko Arauz Besteko Proposamena eztabaidatuko da Eusko Legebiltzarrean, talde sozialistak sustatua. Hainbat erakunde ekologista, gizarte mugimendu, sindikatu, alderdi politiko, bizilagun elkarte eta Bizkaiko Garoñaren Kontrako Foroaz osatutako talde zabal batek, Proposamen honen aurrean dugun dezepzioa agertu nahi dugu; izan ere, edukinik gabekoa dela iruditzen zaigu eta zentral nuklearra betirako ixteko premiazkoak diren ekintza zuzenak eta beharrezkoak esijitzen ez direla uste baitugu.

Estatuko Legebiltzarrean lantzen diren gaien inguruko negoziaketak pil-pilean dauden honetan, Santa Maria de Garoñako zentral nuklearraren behin betiko itxiera eta eraistea, negoziaketetan LEHENTASUNEZKO eta ATZERATU EZINEZKO puntua izan dadila eskatzen du gizarteak, ekintza erreal eta berehalakoak martxan jarriz. Hare gehiago, CSN Espainiako Segurtasun Nuklearrerako Batzordearen zuzendaritza teknikoaren bilera bihar bada ere, El País egunkariak gaur aurreratu duenez, erakunde honek prestatu duen txostena zentral nuklearra berriz zabaltzearen aldekoa dela jakin dugunean.

Gainera, zentral nuklear guztien itxiera progresiboa ere gehitu beharko litzatekeela uste dugu, gainontzeko zentral nuklearrak berriz ere martxan jartzeko baimenak ukatzea, Segurtasun Nuklearreko Kontsailuaren independentzia bermatzea eta zentral nuklearrak barne hartzen ez dituen eredu energetiko berri bat lortzeko lanari ekitea.

 

 

 

La Milagrosa ikastetxeko langileek itxialdia egingo dute euren lanpostuen defentsan

admin
-
0
La Milagrosa ikastetxeko langileek itxialdia egingo dute euren lanpostuen defentsan


Barakaldoko ikastetxea ixteko arriskuan dago, eta, azken asteetan, mobilizazioak ugaritu dituzte. Hain zuzen ere, agerraldi publiko bat egingo dute bihar arratsaldean, eta langileek itxialdia egingo dutela jakinaraziko dute. 40 langile langabezira joan daitezke eta 350 familia aukeratutako hezkuntza eskaintzarik gabe geratuko dira, ikastetxeak ateak itxiz gero. Denboraren premiak ez du konponbide bat aurkitzeko bidea errazten, urtarrilaren 30ean zabaltzen delako matrikulazio epea.

Kristau Eskola barruan dauden Hijas de la Caridadeko mojek 2001etik La Milagrosa ikastetxearen bidez egiten zuen hezkuntza jarduna alde batera uztea erabaki dute. Erabaki horren ondorioz 40 langile langabeziara joan daitezke, eta 350 familia hautatutako ikastetxerik gabe eta Barakaldoko herriaren hezkuntza beharrak hasetu gabe geratuko dira. Honen aurrean, erabaki ausartak hartzeko eskatu du LABek.
 

 

 

Elkartasuna epaituko dute Herrialde Katalanetan

admin
-
0

Herrialde Katalanetako COS sindikatuko kide den Oriol Pintos epaituko bere eskubideen alde borrokan ari zen langile bati bere elkartasuna adierazteagatik. LABek, elkartasuna epaitzen ari direlasalatzeaz gain gure babesa adierazi nahi diogu.

Gertakariak 2015. urtean izan ziren, COSeko afiliatu eta etxez-etxeko langilea zen emakume bat kaleratua izan zenean, askatasun sindikalaren aurkako Coccinele enpresaren eraso larri batean. Kaleratzearen ondoren #TamyReadmissió kanpaina jarri zen martxan eta kanpainaren barruan Oriol Pintosek bertze pertsona askok bezala langile honi bere elkartasuna adireazi zion, bihar epaituko eta kriminalizatu nahi den elkartasuna hain zuzen ere.

Sindikalista baten aurkako epaiketa berri hau, injustizien aurka borrokan diharduten aurka martxan jarri den errepresioaren testuinguruan kokatu egin behar da. Epaiketa hau ez deus berria, azken aldian Andaluzian, Asturiasen eta Euskal Herrian ikusi izan dugun bezala.

Hau guztiagatik LABetik gure babes guztia helarazi nahi diogu COSeko kide den Oriol Pintosi, eta Euskal Herritik gure besarkada iraultzaile bat igorri nahi diogu.

 

 

 
1...964965966...1,590Page 965 of 1,590

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus