2026-06-26
Blog Page 1096

Azpikontratazio eta segregazioaren kontra mobilizatuko gara Tecnichapan

admin
-
0
Azpikontratazio eta segregazioaren kontra mobilizatuko gara Tecnichapan


104 langile dituen eta osagai metalikoak egiten dituen Igorreko Tecnichapa enpresako langileak mobilizazioak hasiko dituzte, enpresak eta Velatia-Ormazabal talde osoak hartutako erabakiak salatzeko. Erabaki hauek azpikontratazioan eta segregazioan oinarritutako enpresa eredura bideratuta daude. Astelehenetik hasita, 13:45etatik 14:00etara kontzentrazioa egingo dute egunero, Igorreko enpresa-atarian.

Alde batetik, talde berekoa den Ormazabal enpresak denbora darama soldadura atala Ormazabaletik Tecnichapara pasatzeko asmoarekin, erabaki honek 40 langileri eragingo diolarik. Gaur egun oraindik lekualdatze hori aurrera eraman ez den arren, enpresak ez du bere asmoa alboratu eta erabaki horren aitzakipean Ormazabaleko langileak Tecnichapari lagatzen ari da, irregulartasunean eroriz.

Gainera, aste honetan, Tecnichapako Zuzendaritzak enpresa Batzordeari jakinarazi dio, Zamudion enpresa berri bat sortu eta bertara Tecnichapako Dibertsifikazio saila eta honi lotutako 40 langile eramateko asmoa. Honi gehitu behar zaio enpresak egiten duen azpikontratazioaren erabilpen okerra, Lantegi Batuakeko langileekin adibidez. Pertsona ezgaituak lan munduan integratzearen aitzakipean, laneskua merketzea da bilatzen duena.

Lantegi Batuak enpresako langileek Tecnichapako langileek egiten duten lan bera burutzen dute margoketa, paneladora eta plegadora ataletan baina lan baldintza askoz okerragoekin. Ez da onargarria lan bera egiteagitik askoz gutxiago kobratzea.

Mugimendu hauen aurrean enpresak LABen eta langileen ezezkoa jaso du. Eta errentagarritasun ekonomiko handiagoa lortzeko helburuarekin prekaritatea eta gure lan baldintzen merketzea oinarri duen enpresa eredua inposatzen saiatzen bada, gure ezezkoa jasoko du berriz.

Ezin dugu ahaztu neurri hauek ez direla kasualitatearen ondorio. Neurri hauek segregazioan oinarritutako enpresa eredu batera bideratuta daude. Hau da, orain arte bi enpresatan (Ormazabal eta Tecnichapa) zentralizatzen zen negozio eta produkzioa sail eta enpresa ezberdinetan banatzea, horrela langileen kolektiboa banatu eta beraien jarduteko gaitasuna mugatzeko asmoz. Horregatik, zuzendaritzari jokatzeko modua aldatzeko exijitzen diogu.

LAB sindikatutik argi esan nahi dugu gu ez garela erabaki horren parte izango. Edozein aldaketa estrateegiko enpresarialek langile guztien lan baldintza eta lanpostuak bermatu behar ditu. Prekaritatearen aukera… ez azpikontratziorik, ezta segregazioarik ere! Zatitu nahi bagaituzte, batu egingo gara eta borrokan egingo dugu.
 

 

 

Borrokan lan kodigoaren erreforma apurtu arte

admin
-
0
Borrokan lan kodigoaren erreforma apurtu arte


Atzo Baionako mobilizazioa handia izan da. Hala ere, ezin gara hortan egon eta ondoko egunetan, BORROKAN segitu beharko dugu. ADI EGON! Laster izango dira hitzordu berriak! 

KHOMRI LEGEARI EZ!
Lan eskubideak greba orokor bat balio du !

"El Khomri" legea Lan kodigoaren kontrako eraso berri bat da. Zer dio lege projektuak ??

"El Khomri" legea Lan kodigoaren kontrako eraso berri bat da. Lege hortan :

Lan auzitegiko ordain sariak MUGATUAK izanen dira.
35 orduak HAUTSIAK izanen dira.

Orduen anplitudeak EMENDATUAK izanen dira.
Kanporatzeak (bakarkakoak eta kolektiboak) ERREXTUAK izanen dira.

Ordu gehigarriak NORMALIZATUAK izanen dira, hauen paga emendatzea ttipitua izanen delarik.
Entrepresetako erreferenduma batzuen bidez, nagusiek sindikatak SAIHESTEN ahalko dituzte.
Lan eskubidearen suntsitze horren helburu bakarra lan merkatua liberalizatzea da.

– Macron Legearen ondotik,

– Erretretari buruz izan diren erreforma lazgarri guzien ondotik,

– Zerbitzu Publikoen suntsitze sistematikoen ondotik,

– Erreforma horrek lanaren legedia guzia hunkitzen du.

Lege honek nahi du :

Kanporatzeen kontrako babes indibidual eta kolektiboekin bukatu.

Langileen babes forma guziekin bukatu
Lan kodigoa arintzea eta sinplifikatzea ez du erran nahi suntsitzea !!

Lan kodigoari esker da langileek garantiak dituztela lan denborarentzat, haien osagarriarentzat eta babesa sozialarentzat. Lan kodigoak du arautzen lan harremanean izaiten ahal den menpekotasuna.

Lan kodigoak du arautzen langileen artean izaiten ahalko litaizkeen ezberdintasunak. Beraz, ez da lanbidearen eta lehiakortasunaren izenean, bainan bai bere onuran MEDEF-ak, gobernuaren laguntzarekin, nahi duela dena berriz hartu.

Hori guzia haiek eragin duten krisi ekonomikoaren aitzakiarekin. Lehen ministroaren arabera « XXI. mendean gira eta ez XIX. mendean». Hala baldin bada, gelditu guri berriz aspaldi pasatu den mende hartara eramaiten, eskubide guziak nagusieri emanez.

LAB-entzat gauzak argi dira. Sindikaten errola ez da gobernuarekin idaztea abantaila sozialen suntsiketa operazio txarrena. Bainan bai indar harreman bat sortzea da, klase borrokarena, lege proiektu hori behin eta betiko, bertan behera uzteko.

Orain, bakotxarengain da mobilizatzea, erreforma hori kendua izan dadin. Euskal Herrian iñoiz baino gehiago lan egin behar dugu negoziazio kolektibo espazio baten ukaiteko. Horren bidez indar harreman hobeago bat sortzeko, lan baldintzen hobetzeko helburuarekin.


DEITZAILEEN IRAKURKETA

Liste des organisations du collectif :
CGT Cheminots Hendaye et Saint Jean de Luz, CGT cheminots Bayonne, CGT hôpital, CGT
territoriaux Biarritz, LAB, Solidaires, Aitzina, AKM (Amis de Karl Marx), ATTAC Pays Basque, EELV (Europe Ecologie Les Verts), EH BAI, Ensemble Pays Basque, Indar beltza, La Commune, NPA Pays Basque, Parti de Gauche.

L ‘assemblée générale réunie ce jour à la Bourse du Travail de Bayonne à l’appel du collectif* communique :

– la journée de mobilisation pour le retrait total de la loi Travail est un succès : 3600 personnes à Bayonne, plus de 200 mobilisations dans l’État français, une centaine de lycées en grève, etc. ;

– cette mobilisation doit servir de tremplin pour continuer la lutte et forcer le gouvernement à retirer le projet ;

– pour cela, l’unité et l’engagement dans l’action de tous-tes est nécessaire : syndicats, associations, organisations politiques, collectifs citoyens, lycéen-nes, étudiant-es, salarié-es, retraité-es ou chômeur-ses ;

– la date du 31 mars est déjà actée mais l’assemblée est convaincue que d’autres actions et mobilisations sont indispensables et notamment le 24 mars (présentation du projet en conseil des ministres). De même, un travail d’information et d’explication sera fait auprès de la population, dans les entreprises., etc.

– une nouvelle assemblée ouverte à tous-tes se tiendra le vendredi 11 mars à 18 heures (Bourse du Travail à Bayonne) pour fixer les rendez-vous locaux et relayer les appels hexagonaux.

L’objectif est la préparation d’un mouvement d’ensemble reconductible jusqu’au retrait du projet de loi.

 

 

EAEko Heziketa Bereziko espezialisten lan zerrendak eguneratu behar dira

admin
-
0
EAEko Heziketa Bereziko espezialisten lan zerrendak eguneratu behar dira

EAEko Hezkuntza sailak, berriro ere, bere hitza ez duela bete salatu nahi dugu. 2006tik eguneratzeko dugun hezitzaileentzako lanpostuen zerrenda trabaturik dago Eusko Jaurlaritzako Ogasun sailean. 10 urte Heziketa Berezietako lanpostuen zerrenda eguneratu gabe, 10 urte leku-aldatze duin bat egiteko aukerarik gabe, 10 urte zeinu hizkuntzako langileak linboan galdurik, 10 urte zentro terapeutikoetako ezegonkortasuna mantentzen langileak kurtsoz kurtso aldatuz.

Hezkuntza Sailak konpromiso bakarra hartu zuen Heziketa Berezietako langileekiko eta ez du bete. Hezitzaileentzako lanpostuen zerrenda eguneratua eskatzen dugu.

Honetaz gain, Heziketa Bereziko irakasleek jasaten dituzten lan baldintza prekarioak salatu nahi ditugu (egonkortasunik eza, murrizketak, ratio igoerak…).

 

 

 

LANALDENeko langileen lanuzte eta mobilizazioak

admin
-
0
LANALDENeko langileen lanuzte eta mobilizazioak


Atzo, Lanalden telemarketing enpreseko langileek kontzentrazioak eta bi ordutako geldialdia egin zituzten (11:00etatik 12:00etara eta 17:00etatik 18:00etara). Arrazoia, enpresak hitzarmen kolektiboa eta langileen ordezkariekin hartutako akordioak errespetatzen ez dituela eta enpresa egiten ari den mehatxu, kaleratze eta zigorrekin amaitzea exijitzea.

Enpresa-batzordearen arabera, Naturgas (EDP) da egoeraren erantzule nagusia eta Lanaldeneko zuzendaritza, lan zikina egiten duena. Enpresa langileak mehatxatzen ari da eta langileen egoera prekarizatzen.

Martxoaren 14 eta 16an ere lanuzte eta mobilizazioak egingo dituzte.
 

 

 

Aldaketa lantokietara eraman dezagun, M19an kalera!

admin
-
0
Aldaketa lantokietara eraman dezagun, M19an kalera!




Zortzi hilabete pasa dira Nafarroako Gobernuan eta udal nagusietan aldaketa historikoa gertatu zenetik. Urratsak eman dira demokratizazioan, besteak beste, ordezkaritza sindikalaren %40aren bazterketari amaiera emanez, D eredua hautatzeko aukera berdintasuna ezarriz edota erakundetatik herritarren eskariekiko sentsibilitate handiagoa erakutsiz. Alabaina, ezin liteke esan aldaketa lantokietara iritsi denik. Langileok langabezia, prekarietatea, diskriminazioa eta eskubide murrizketak pairatzen jarraitzen dugu.

Horregatik, ezinbestekoa da lantokietan nahiz kalean mobilizatzea neurri zehatzen alde: 35 orduko lan astea, hileko 1200 euroko gutxieneko soldata eta 1080ko gutxieneko pentsioa, aukera berdintasuna edota zerbitzu publikoen garapena. Era berean, horrelako neurriak Nafarroan erabaki eta ezarri ahal izateko lan esparru propioa aldarrikatu beharra dago ezinbestean, unean uneko Espainiako Gobernuaren esku sartzerik gabe; izan ere, azken urteotan 17 nafar lege (gehienak, izaera sozialekoak) bertan behera utzi baititu.

LABek manifestazio handi bat deitu du martxoaren 19an, eskakizun hauei bultzada emateko. Langileriaren mobilizazioa erabakiorra izan zen aldaketa instituzionala ahalbidetzeko. Orain mobiliziora jo behar dugu, aldaketa, gehiengo langileriaren lan eta bizi baldintzetan gauzatu dadin lortzeko.

 
 
 
 

 



LAB NAFARROA

TWITTER
@LABnafarroa

FACEBOOK
LAB Nafarroa
 

 

Greban dauden Jaso Itsasondoko langileek manifestaldi jendetsua egin zuten atzo

admin
-
0
Greban dauden Jaso Itsasondoko langileek manifestaldi jendetsua egin zuten atzo


Atzo asteazkena, goizeko 10etan Itsasondotik abiatu eta Ordiziako azokatik buelta emanez, manifestaldia antolatu du Jasoko batzarrak, "Jaso Itsasondo, hitzarmen duin baten alde" lemapean. Enpresa hartako 100 langilez gain, Goierriko zenbait enpresatako ordezkari sindikalek ere (JASO Idiazabal, Guerra Hermanos, CAF, Indar, Arcelor… ) parte hartu dute babesa eta elkartasuna adierazte aldera.

Aurreko ostegun eta ostiralean bi orduko lanuzteak ere egin zituzten egun bakoitzean, eta orain bost eguneko greban daude. Ostiralean amaituko da greba (eta enpresaren aldetik berririk ez balego, astelehen goizean langileek deitua duten asanbladan erabakiko dute datorren astetik aurrera ze neurri hartuko duten.

Enpresa Batzordetik adierazi dute, "batzarraren %80 baino gehiagok eman zion babesa grebari eta egutegiaren erdia baino gehiago egin dugunean, ondo antolatuak eta haseran genituen indar eta gogo berdinak mantentzen ditugu. Ulertezina da, Jaso bezelako enpresa serio batek, ikusirik diferentziak ez direla handiak, nola ez dion irtenbide bat ematen negoziaketari. 6 hilabeteko negoziaketa luzeen ondoren, oraindik hitzarmenik gabe aurkitzen gara eta akordio batera iristeko garaia badela deritzogu".
 

 

 

Herritarron zein herrion burujabetzaren alde TTIPari ez!

admin
-
0
Herritarron zein herrion burujabetzaren alde TTIPari ez!

Euskal Herriko gizarte zibileko erakunde, alderdi politiko eta sindikatuok demokrazia, zerbitzu publikoak, giza eta ingurugiro arauak mehatxatzen dituzten TTIP, CETA eta TISA akordio ekonomikoen aurka gaudela adieraziko dugu beste behin. Hitzordua martxoak 12: Iruñean giza katea kartzela zaharretik 17:30etan, Arratian Bediatik Igorrera Bizi Martxa 10:00etan eta Donostian manifestazioa Boulevarretik 12:00etan.

TTIPari EZ :: NO AL TTIP
Euskal Herriko gizarte zibileko erakunde, alderdi politiko eta sindikatuok, demokrazia, zerbitzu publikoak, giza eta ingurugiro arauak mehatxatzen dituzten eta eskala txikiko eta kalitatezko nekazaritza, elikadura eta farmazia arauak, ezinbesteko trantsizio energetikoa, eta gizartea hobetzeko daukagun eskubide eta ahalmena arriskuan jartzen dituzten TTIP, CETA eta TISA akordio ekonomikoen aurka gaudela adierazi nahi dugu. Itun hauen onuradunak beti berberak dira: nazioarteko korporazio handiak, banketxeak eta inbertsio funtsak.

1986ko martxoaren 12an Euskal Herriak ezetz esan zion NATOri. Ezetz herriaren nahia eta ahaleginak alde batera utzi eta erakunde horrek bultzatzen duen indarraren onarpenari. Gaur, NATO ekonomikoa den TTIPak, korporazio handientzat berdina nahi du arlo ekonomikoan. Hortaz, demokrazia, suntsitu beharreko helburuan bihurtzen da bi egitura hauentzat.

Boterea arlo publikotik interes pribatuetara aldatu dela ikusi dugu azken hamarkadetan. Liberalizazio ekonomiko eta finantzeroaren bultzada argia, desparekotasunaren eta pobreziaren igoera argia, ingurugiroaren suntsiketarekin batera. TTIP, CETA eta TiSA jabetza kentze honen areagotze bat dira, itzulezinean bihurtu arte. Finantza krisia globalizatutako kapitalismoaren giza eskubideak gutxienera murrizteko eta herriei burujabetza demokratikoz gabetzeko aitzakian bilakatu da.

Berdintasuna, giza eta lan eskubideen, klima justizia eta herrien benetako demokraziaren alde borrokatzen dugu.

Datorren martxoaren 12an borroka honetan gurekin bat egiteko eskatu nahi genieke herritarrei.

DONOSTIA: Manifestazioa 12tan Boulevarden.
ARRATIA: Bediatik Igorrera BIZI MARTXA 10tan.
IRUÑA: Giza katea kartzela zaharretik 17.30tan. Mahai ingurua Condestablen 12tan
Gaur, erabaki nahi dugulako, duela 40 urte NATOri ezetz esan genion bezala argi eta garbi diogu:

EUSKAL HERRIAN TTIP EZ!!
 

 

 

Onartezina da Siemensek Gamesa erosteko asmoaren inguruan langileek ezer ez jakitea

admin
-
0

Hainbat komunikabidetan Siemensek Gamesa erosteko duen asmoari buruz azaltzen ari den informazioaren aurrean LABek onartezintzat jotzen du langileek honi buruz ezer ez jakitea. LABen ustez, edozein erabakik enplegua zein Euskal Herrian Gamesak duen industria jarduera mantentzea lehenetsi behar ditu eta zentzu horretan, erakunde publikoei, bai Gamesak eta bai balizko erosleak, industria-jarduera, enplegua zein lan baldintzak bermatuko dituztela ziurtatu dadila exijitzen diegu.

LAB sindikatuarentzat onartezina da langileok honi buruz ezer ez jakitea

1.- Erabat onartezina da Gamesako langileok honi buruz ezer ez jakitea. Komunikabideetatik gehiago dakigu enpresatik baino. Zuzendaritza Enpresa batzordeekin ahal den azkarren biltzea beharrezkotzat jotzen dugu, honen inguruan duen informazio guztia eman eta egoera argitze aldera.

2.- LABen iritziz, edozein erabakik enplegua zein Euskal Herrian Gamesak duen industria jarduera mantentzea lehenetsi behar ditu, bestelako irizpideen gainetik, ekonomikoa izan edota bestelakoa izan.

3.- Halaber, Gamesak Euskal Herrian dituen lantokiak itxi ez daitezen eta deslokaliza ez daitezen, Euskal Herrian erabakiak hartzen jarraituko dela bermatu behar du akordioak. Egunotan, ACB edota TRWko langileak jasaten ari diren egoera gogoan daukagu.

4.- Erakunde publikoek bai Gamesari bai balizko erosleari, exijitu behar diete industria-jarduera, enplegua zein lan baldintzak bermatuko dituztela.

 

 

 

Azpikontratetan, hornitzaileetan eta Volkswagen bertan lan egiten duten LABeko delegatuek bilera eskaera egin diote Nafarroako Gobernuari

admin
-
0
Azpikontratetan, hornitzaileetan eta Volkswagen bertan lan egiten duten LABeko delegatuek bilera eskaera egin diote Nafarroako Gobernuari


LEDR, SNA, LOGITERS, FAURECIA, KWD, SNA, TECNOCONFORT, VW eta TRADISAKO LABeko delegatuek Nafarroako Industria kontseilaria den Manu Ayerdirekin bilera eskaera bat erregistratu dute gaur lan departamentuan. Eskaera honen helburua Volkswagen-eko gasen emisioen iruzurrak sortutako krisiaren balizko ondorioak baloratzea izango da eta honek VW-ko eta VW Navarrarentzat lana egiten duten azpikontrata eta hornitzailetan lana egiten duten langileen lan baldintzetan izan dezakeen ondorioak. 

"Beldur gara epe ertainera, krisiak duen bolumen ekonomikoa dela eta gure lan baldintza eta enpleguetan eragina izan dezakeela". Adierazi du Jesus Arrondo Logiterseko LAB-ko delegatuak.

"Ez da gauza berria VW Navarrak enpresa arteko konpetentzia bultzatzea etekinak areagotzeko gure lan baldintzak erasotuz, iruzurraren aferak VW Navarraren politika hau areagotu egingo duela beldur gara. Nafarroako Gobernuak arduratsu jokatu behar du eskualde guztian izan dezakeen eraginagatik eta horretarako sindikatu eta Gobernu arteko jarraipen batzorde iraunkor baten sorrera eskatuko diogu". Adierazi du Jesus Arrondok.

KOTXEEN EMISIOEN GAINEKO IRUZURRA
Automozioaren munduan aurrekaririk gabeko albiste bat jakin genuen orain hilabete batzuk. VW, Iruñerriako enpresa nagusienak, eta eskualdeko enpresa askotako bezero dena, saltzen zituen kotxeen emisioen gainean iruzurra egiten aritu da. Bai diesel zein gasolinazko kotxetan.

Iruzur honen azken ondorioak ez dakizkigu. Multinazionalaren etekinetan ondorioak izango dituela badakigu ordea eta kapitalak bere arazoak beti langileei egozten dizkiola baita ere.

VW afera jakin zenetik, LAB-k bilera ezberdinak eduki ditu beraien ekoizpenaren gehiengoa VW Navarrako egiten duten azpikontrata eta hornitzailetako ordezkariekin.

Azken asteetako albistetaz haratago, Polo berriaren eta VW-ko bigarren modeloa Landabengo plantan egingo direla, LAB-tik egiten dugun hausnarketa VW Navarrak Eskualde guztiari eragingo liokeen azpikontrata eta hornitzaileen aurkako neurriak har ditzakela da. LAB-entzat oso posible da hau gertatzea, VW Navarrak, historikoki horrela jokatu izan duelako. Hau da, azpikontrata eta hornitzaileen arteko konpetentzia sustatu du beraien etekinak haundiagoak izan zitezen.

Ondorio honetara eramaten gaituzten arrazoi nagusiak hauexek dira:

-Egin dutena badakigu: bezeroak, gobernuak eta gizartea iruzurtu dute osasuna bezalako gai batekin. Ez gara bere etorkizuna kolokan zuen enpresa batetaz ari. Gehiago irabazte aldera gezurra esan dute eta langile guztien enplegua bera kolokan jarri dute.

– Egin ez dutena: Egirik ez esan. Kontu ekonomikoen aurkezpena martxoak 10-tik martxoak 28-ra atzeratu dute. Ezinegon egoera hau konszienteki bilatzen da batez ere inposatu nahi dituzten neurriak inposatzeko.

VW-k bi une erabiliko ditu:

-Polo berria eta modelo berriaren inbertsioak lan baldintzak baldintzatzeko erabiliko ditu: Egin du jada. VW-ko lanaldia luzatu, soldata igoerak moteldu eta kontratazio berrien lan baldintzak okertu.

-Polo berria eta modelo berriaren piezen aasignazioan estutuko ditu azpikontrata eta hornitzaileak. Soldata gehien murrizten duena, langile gutxiago dituena piezekin geratuko da. Enpresak elkarren aurka konpetitzen jarriko ditu.

Eztabaida hau ez da soilik laborala, Eztabaida hau sozial eta politikoa da. Eremu politikoa ez daiteke eztabidatik at geratu. Alemaniaren inposaketaz haratago, eremu politikoak ardurak hartu behar ditu.

Horregatik, gaur Lan Departamentuan, Manu Ayerdiri zuzenduriko eskutitza bat erregistratuko dugu. Gure ezinegona trasladatu eta VW krisiaren gaineko jarraipen batzorde iraunkorra egin aldera.

 

 

 
1...1,0951,0961,097...1,630Page 1,096 of 1,630

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus