2023-12-10
HomeIndustriaPapergintzaOstegunetik aurrera bi orduko lanuzteak Unipapel enpresan kaleratutako langilearen berronartzea eskatzeko

Ostegunetik aurrera bi orduko lanuzteak Unipapel enpresan kaleratutako langilearen berronartzea eskatzeko

Pasan astean Unipapel enpresak inongo justifikaziorik, inongo argudiorik… eman gabe langile bat kaleratu zuen. Neurri honen aurrean langileek, martxoaren 7tik aurrera 2 orduko paroak egingo dituela jakinarazi du Enpresa Batzordeak.

Enpresa batzordeak adierazi du Madrileko zuzendaritzak egindako bisitaren ostean, "zerbait txarra bazetorrela" pentsatu zutela, baina ez zutela espero lankide baten kaleratzea etorriko zenik.

Neurri honen aurrean eta inongo kaleratze ez bidezkorik onartuko ez dutela argudiatuz, Unipapeleko langileek erantzuteko beharra ikusi dute eta horretarako txanda bakoitzean 2 orduko geldialdiak egiten hasiko direla iragarri dute. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.