2023-12-03
HomeEkintza PolitikoaNafarroako 58 Enpresa Batzorde eta ehun bat enpresa txiki batu dira Martxoaren...

Nafarroako 58 Enpresa Batzorde eta ehun bat enpresa txiki batu dira Martxoaren 9ko enpleguaren aldeko mobilizazioekin

Nafarroako enpresa batzorde eta enpresa txiki ezberdinetatik jasotako babesaren berri eman dute gaur Martxoaren 9ko manifestazioen deitzaileek. Lan erreformaren kontra egindako Greba orokorretik ekimen mobilizatzaileena dela adierazi dute eta gatazkan diren langileei, langabetu, sektore publikoko langile, gazte eta emakumeei deialdi berezia luzatu die Iruñean izango den manifestazioan parte hartzeko.

Borrokan diren Langile Batzordeen irakurketa 

58 ENPRESA BATZORDE ETA EHUN BAT ENPRESA TXIKIK BAT EGIN DUTE NAFARROAN MARTXOAREN 9KO ENPLEGUAREN ALDEKO MANIFESTAZIOAREKIN

«Lan erreformaren kontrako Greba Orokorretik ekimen mobilizatzaile batek lortu duen atxikimendu maila zabalena da.

Gatazkan dauden langileei, langabezian daudenei, sektore publikoari, gazteria eta emakumeei dei berezia arratsaldeko 6etan Autobus geltoki zaharretik abiatuko den martxan parte hartzeko.

Martxoaren 9ko manifestazioa gatazkan murgilduta zeuden sei enpresek aurkeztu zuten pasa den hilabetearen hasieran. Hiru sektore publikokoak ziren (Ospitaleko Sukaldeak, Aena, Tracasa) eta beste hiru pribatukoak (Sunsundegui, Plásticos Brello, Inapre). Hilabete bat beranduago, jadanik XX enpresa batzorde eta ehun bat enpresa txikik bat egin dute deialdiarekin, horietako gehienak aho batez, eta hurrengo egunetan atxikimendu gehiago jasotzea espero da.

Horrela, Nafarroan ekimen mobilizatzaile batek lan erreformaren aurkako Greba Orokorretik jasotako atxikimendu zabalena da. Tuterako Udaletxetik Lesakako Arcelorrera, Jangarriatik KYBSEra, mota ezberdinetako enpresa batzordeek bat egin dute, Nafarroako patronala eta Gobernua egunero-egunero inposatzen ari diren kaleratze eta murrizketei erantzun tinkoa emateko.

Lanean dauden langileei, kaleratze nahiz txantaia pairatzen dutenei, langabezian edo prekarietatera kondenatuta daudenei, sektore publiko nahiz pribatukoei, etxeko langileei, zaintza lanak egiten dituzten emakumeei, etorkizuna lapurtu nahi dieten gazte eta ikasleei, oro har, Nafarroako gehiengo langileari dei egin diote martxoaren 9ko martxan parte hartzeko, arratsaldeko 6etan Autobus geltokitik abiatuko dena.

“Ez kaleratzerik, ez erreformarik, ezta inposaketarik ere. Enplegua defenda dezagun”

Atzo otsaileko langabeziaren datuak argitaratu zituzten: 56.524 nafar enplegurik gabe daude, eta horietako askok ez dute inongo diru-sarrerarik. Yolanda Barcinak garrantzia kendu zion arazo honi, esanez beste batzuk okerrago daudela. Baina ezkutatu zuena zera da, hobeto, askoz hobeto egon gintezkeela bestelako politika sozial, ekonomiko eta laborala aplikatuko balitz. Nafarroako Gobernuarentzat langabeziaren arazoa ez da lehentasunezkoa; baldin balitz, iruzur fiskala jazarri, ondare handiei zergak igo, egitasmo faraonikoak alboratu, eta kalitatezko enplegua sortzeko inbertituko luke. Izan ere, enplegua, zerbitzu publiko eta prestazioekin batera, herritarren ongizatea bermatzeko funtsezko osagaia da. Nafarroan egon badago nahikoa aberastasun herritar guztiei enplegu duina, osasungintza, hezkuntza, etxebizitza, zerbitzu sozialak eta pentsioak bermatzeko. » 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.