2026-11-18
HomeEkintza SozialaEskubide Sozialen KartaMugimendu ekologistaren lehen topaketak egingo dituzte Ziordian

Mugimendu ekologistaren lehen topaketak egingo dituzte Ziordian

Euskal Herriko Eskubide Sozialen Kartaren barne dagoen Natura Gure Ardura ingurumen arloko taldeak, maiatzaren 19 eta 20ean I. Topaketa Ekologistak antolatu ditu.

Topaketa honen helburua, alde batetik, Iruñean ekainaren 2rako antolatu den Alternatiben Herria babestea eta beste alde batetik, mugimendu ekologista antolatzea eta diskurtso bateratua osatzea da.

Natura Gure Ardurak gure eragileetan eta baita modu kolektiboan ere naturari dagozkion eskubideekin konprometituak gaude, ingurumen osasuntsua eraikitzeko, pertsonon, naturaren eta bizitza modu ezberdinen arteko ongizatea helburu duen interakziorako, komunitatearen mesedetan eginiko kudeaketa (gure belaunaldia eta etorkizunekoak), baliabide naturalena, modu iraunkor eta ekologikoan produzituriko elikagaiak eta merkatuen interes espekulatzaileen gainetik pertsonak eta politika sozialen eraginkortasuna jarriko dituen bizitza eredu berria.

Natura Gure Ardurak,manifestua adostu eta gero, Euskal Herriko ingurumen gatazketako taldeak indartu nahi izan ditu, tokian tokiko deialdietan indarra jarri izan dugu, eta orain, mugimendu ekologista artikulatzea hartu dugu helburu, sistema aldatzeko klima hartu beharrean.

Tokian tokiko ingurumenaren aldeko eragile guztiei deia egiten diegu Topaketa hauetan parte hartzeko, sortu nahi dugun mugimendu ekologista, ahalik eta aberatsena izan dadin. Ziordian, mugimendu ekologista antolatzeko beharraz, gure arteko elkarlana zein izan behar duen, eta aurrera begira hartu beharreko estrategia lantzeko tailerrak burutuko ditugu. Era berean, gure formakuntzarako hitzaldi sorta ere antolatu dugu: medikuntza ekologikoaz, desobedientziaz, arlo tekniko-juridikoaz eta ekosozialismoaz.

Kapitalaren erasoaldiaren ondorioak gero eta larriagoak dira bai sozialki eta bai baliabide natural eta lurraldeei dagokionez, natura ere eskubideen jabe izanik, eta pertsona, animali eta natur baliabideen harreman berri baten alde antolatu beharra dugu bizitza erdigunean jarriz.

 

 

 

AZKEN ALBISTEAK | ÚLTIMAS NOTICIAS

LABek eskatzen du BFAko eta GUFEko plantilla handitzea zenbait unitatetan, ez baitago langile kopuru nahikorik

Bizkaiko Foru Aldundiko-GUFEko LABen atal sindikalak proposamen bat aurkeztu zuen joan den astean Batzar Nagusietan, bi erakundeen Lanpostuen Zerrenda (LPZ) handitzeko eskatuz, Bizkaiko aurrekontu-proiektuan bertan 2027an ezartzen diren langile-hazkundearen aurreikuspenetatik harago.

Lan eremuan indarkeria matxistaren aurkako konpromisoak behar direla aldarrikatzera kalera aterako gara azaroaren 25ean

Emakumeen Aurkako Indarkeriaren Kontrako egunaren harira, LABetik mobilizazio bana deitu dugu Gasteizen eta Iruñean.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.