2024-02-28
HomeBidalketak2013Maiatzak 1. Borrokatu, matxinatu eta irauli Euskal Herria

Maiatzak 1. Borrokatu, matxinatu eta irauli Euskal Herria


MAIATZAK 1 MOBILIZAZIOAK
 

Euskal Herri osoa emerjentzia egoeran dago. Horrela sinistarazi nahi diguten arren, emerjentzia egoera hau ez da krisiaren emaitza, baizik eta krisiaren aitzakiaz aplikatzen ari diren politiken ondorio zuzena.


Erasoak etengabean datoz. 
Madriletik plan oso bat ezartzen ari dira, kapitalismorik basatiena ezartzeko. Plan hau langile klasea pobretzean eta bere burua defendatzeko bitartekorik gabe uztean oinarritzen da. Horretarako legeak, dekretuak eta abarrak bata bestearen segidan datoz ostiral-ostiralero. Iruñea eta Gasteizko gobernuek zuzenean ezartzen dute handik agindutako guztia eta, horretaz gain, bide berdinetik datozen neurriak ere aplikatzen dituzten euren eremuan.

Politika horiek aldatzera behartu behar ditugu. 
Horixe da modu bakarra herri moduan eta herritar moduan etorkizun duina izan dezagun eta sartu nahi gaituzten zulo beltzetik irten gaitezen. Ez dugu partxerik nahi. Ez dugu erdibiderik nahi. Benetako aldaketa politiko eta sozial sakona nahi eta behar dugu. Eta horixe borrokatzera goaz!

Euskal Herria irauli behar dugu. 
Horretarako indarrak bildu, mobilizatu, altxatu, matxinatu eta gure eskualdeen etorkizuna defendatuko dugu, euskal langileriaren oraina eta etorkizuna defendatzeko.

Euskal Herriak bere bidea erabaki behar du.
 Erasoei erantzuteaz gain, alternatiba eraiki beharra dago. Beste eredu bat posible dela aldarrikatzetik berau eraikitzera pasatu behar dugu. Lehen urratsa Euskal Herriko Eskubide Sozialen Gutuna izango da, gure herriarentzat eredu propioa eraikitzera eramango gaituen bidea osatzeko helburuarekin euskal gizarte osoaren indarrak biltzeko lehenengo pausoa. Zentzu honetan, maiatzaren 30erako deitutako greba orokorra gure eskubideen kontra egiten diren eraso guztien aurrean “nahikoa da” indarrez esateko modua da, baina baita ere inflexio puntu bat alternatibaren eraikuntzan.

  • Langileriaren protagonismoa. Geu gara, euskal langileok eta herritarrak, bide hori zertan zertan oinarritu behar den erabaki behar dugunak. Horixe da modu bakarra erabakiak gutxi batzuen artean gutxi batzuentzako hartu ez daitezen. Benetako aldaketa langilerik bultzatuko du edo ez da benetakoa izango. Aldaketa espainiar hondamendiaren eta inposaketaren kateetatik askatzeko. Aldaketa gure eskubideak errespetarazi eta jendarte justua lortzeko.

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.