2024-02-29
HomeLAB SindikatuaEgoitzakLABen Hendaiako egoitza berriak ateak zabalik ditu

LABen Hendaiako egoitza berriak ateak zabalik ditu


Gaur, hilak 18, zabaldu ditu LABek Hendaiako egoitza berriaren ateak. Duela hamabost urte iritsi zen LAB Ipar Euskal Herrira. Ibilbide luzea egin du sindikatuak urte hauetan, gatazketan zein Euskal Herriaren eraikuntzan lehen lerroan izan da beti. Gaur urrats berri bat eman dugu langile eta herritarrei borrokarako gune berri bat eskeiniz.

Festa giroa zen nagusi Hendaiako egoitzan gaur arratsaldean. Militante asko gerturatu dira jaizkibel karrikako lehen zenbakira. Anhioa Etxaide, LABeko Idazkari Nagusiak hitza hartu du hau dena posible egin dutenak eskertu eta urte guzti hauetan Ipar Euskal Herriko militanteek egindako lana nabarmenduz.

Hau ez da Ipar Euskal Herrian izango duten berritasun bakarra. Hain zuzen ere webgune berria ere zabalik da Ipar Euskal Herriko lanketen berri jasotzeko. www.lab.eus/ieh helbidean aurkituko gaituzu, etor zaitez.
 

 

 

AZKEN ALBISTEAK | ÚLTIMAS NOTICIAS

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.