2012a kongresu urtea da LAB sindikatuarentzat. Bizi dugu testuinguru sozioekonomiko eta politikoak bereziki garrantzitsua egiten du VIII.BILTZAR NAGUSIA, sindikatuak bertan definituko baititu datozen urteetan antolaketan nahiz eremu politiko-sindikalean LABen lehentasunak eta erronkak zeintzuk izango diren.
Gaur, asteazkena, VIII. BILTZAR NAGUSIAren aurkezpen publikoa egin du LABek prentsaurrean sindikatuko idazkari nagusi Ainhoa Etxaide, haren ondoko Jabi Garnika, hedapeneko idazkari Gorka Berasategi eta Sonia González, komunikazio idazkariaren eskutik. Bertan, besteak beste, datorren urteetarako norabidea eta helburuak definitu eta biltzarrean adostu beharreko Ponentziak aurkeztu dituzte.