2024-03-04
HomeEkintza PolitikoaEuskal HerriaLABeko Nazio Biltzarrak bere elkartasuna adierazi die Donostiako gazte independentistei

LABeko Nazio Biltzarrak bere elkartasuna adierazi die Donostiako gazte independentistei

LAB sindikatuko Nazio Biltzarrak, gaur Donostian egin batzarrean aho batez horrela erabakita, Donostiako gazte independentisten aferan Segiko kide izateagatik zigortuak izan diren zortzi gazteei eta haiekin batera auziopetuak izandako guztiei elkartasuna adierazi nahi die. Elkartasun hori helarazteko asmoz, gaur eguerdian, LABeko zuzendaritzako ordezkaritza bat Aske Gunean izan da, gazteekin.

LABen Nazio Biltzarrak gogorki salatu nahi ditu atzo Donostiako Bulebarreko Aske Gunean izandako gertaerak. Salatu nahi dugu Ekaitz de Iberoren atxiloketa, eta atxiloketa unean Ertzaintzak izandako jarrera bortitza, bai gazteen aurka, bai euren aldeko herri harresia osatu nahian jardun zuten herritarren kontra.

Euskal gaztedia independentista zigortzea da Espainiar Estatuak aro politiko berri honetarako duen eskaintza. Mugimendu bakar bat ere ez, atzera egiteko ez bada.

Eta EAJ ere norabide horretan lerrokaturik ikusi genuen atzo. Argazkia ekidin zezakeen EAJk. Erabaki zezakeen argazki horretan parte ez hartzea, baina herri honek injustizien aurrean plantoa eskatzen duen bitartean, EAJk Espainiar in-justiziaren esanetara makurtuta jarraitzen du. Euskal jendartearen eskubide zibil eta politikoak babestuko badira, errepresioaren bidearekin amaitu beharra dago, behar den guztietan, bide horri aurre eginez.

LAB sindikatuko Nazio Biltzarrak, halaber, gogoan ditu Donostiako gazte independentisten moduan auzi judizialetan prozesaturik dauden gazteak. Kartzelak bete ez, kartzela ustutzeko tenorea da, eta beraz, prozesu horien guztien etetea eskatzen dugu. Ez dugu kondena politikorik onartzen. Euskal gaztedia kalean behar du Euskal Herriak. Euskal gaztedia da gure oraina eta etorkizuna, eta bake eta konponbide aroaren eraikuntzan geure gazteen ekarpenak ezinbestekoak ditugu.

Herri harresia gero eta sendoagoa izan dadin lanean jarraitu behar dugu. Jarraitu behar dugu eskubide zibil eta politikoen defentsan, jarraitu behar dugu, beraz, mobilizitzen. LABek bat egiten du euskal gaztedia libre eta legala aldarrikatuz, larunbat honetan Donostian egingo den manifestazioarekin, eta bertan parte hartzeko deia luzatzen die euskal langileei eta herritar guztiei.
 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.

Ertzaintzak Gasteizko Martxoaren 3ko manifestazioan egindako karga bortitza salatzen dugu

LAB, ELA, ESK eta STEILAS sindikatuok eta Martxoak 3 elkarteak salatu nahi dugu ERTZAINTZAk karga polizial bortitz ikaragarria egin duela, zauritu asko utziz eta hainbait persona atxilotu dituela, gutxienez 3, ditugun datuen arabera. Manifestazioan, urtero bezala, adin guztietako milaka eta milaka pertsonak zeharkatu dituzte Gasteizko kaleak, duela 48 urte Espainiako Poliziak egindako sarraskia gogoratuz, Egia, Justizia eta Erreparazioa exijituz, eta pertsona guztientzako etorkizun justua aldarrikatuz.

Erakunde publikoen inplikazio aktiboa funtsezkoa da Mecanerrek etorkizuna izan dezan

Atzo, ehunka pertsonek manifestazioa egin zuten Urdulizen, Stellantisek Mecaner ixteko asmoa erakutsi eta 6 hilabetetara. Bide latza izaten ari da. Bidean topatutako oztopo eta erresistentziek zaildu egiten baitute agertoki berriak zabaltzea.