2023-12-03
HomeIndustriaMetalgintzaLABek Tubos Reunidoseko zuzendaritzak egindako adierazpenak gaitzesten ditu

LABek Tubos Reunidoseko zuzendaritzak egindako adierazpenak gaitzesten ditu


Tubos Reunidos Industrialeko LABen sail sindikalak salatu nahi ditu Abasolo jaunak zuzendaritzaren izenean otsailaren 17an komunikabideetan enplegu erregulazioari buruz egindako adierazpenak. Lehenik eta behin, errespetu falta bat iruditzen zaigu langileak eta beraien ordezkariek enpresaren asmoen berri komunikabideen bidez izatea, langileen eta bere familietan zalantzak sortzen dituen enpresa estrategia aurrera eramanez.

Enpresaren zuzendaritzak murrizketak ezartzeko dituen asmoak ez dira berriak. Tunos Reunidoseko LABek, pasa den azaroan, enpresak aurkeztutako krisiaren kontrako plana salatu zuen, zeinetan, mugikortasuna, malgutasuna, soldata jeitsiera eta lanaldiaren igoera eskatzen ziguten orain mahai gainean ditugun argudio berdinen aitzakipean (petrolio putzu berrien zabaleraren etetea eta honen prezioaren jeitsiera). Plan honek batzordearen ezetza jaso zuen.

Zuzendaritzak 2015eko galerak eta datorren urtean egongo omen direnak aipatzen ditu, aurreko urteetako irabazi itzelak ahaztuz. Orain, enpresak gure soldatak zein baliabide publikoak erabili nahi ditu bere emaitzak mantentzeko, galerak gizarteratuz eta irabaziak pribatizatuz.

Hala ere, dei egiten diogu zuzendaritzari, gure eskubideen aurkako mehatxuak alde batera ixteko eta enpresan dagoen antolakuntza faltan eta aurreikuspen faltan buru belarri sartzeko eta horrela ditugun arazo batzuk ekidingo liratezke, azkenaldian izan ditugun hiru sute adibidez.

Amaitzeko, gogorarazi nahi dugu, atzo adierazpenak egin zituen Abasolo jaunak, orain dela gutxi Jose Mari Korta saria jaso zuela Eusko Jaurlaritzaren eskutik bere ibilbide enpresarialagaitik. Azpimagarria iruditzen zaigu sari hau ematea, Urkulluk, egun horretan bertan esan zuenean enpresen biziraupena ez doala bat kostuen murrizketarekin, kalitatearekin baizik.
 

 

 

AZKEN ALBISTEAK | ĂšLTIMAS NOTICIAS

Nafarroako landa eremuko langileek sektoreko prekaritatea behingoz amai dadila exijitu dute Iruñean

Landa-eremuko langile gehienak migratzaileak dira, beste herrialde batzuetatik datoz, eta Nafarroako lurra lantzen dira, guztiok jan ditzagun hainbeste harrotasunez aipatzen ohi ditugun barazki fresko horiek. Nafarroan gero eta talde handiagoa da, baina haien egoera ahulak patronala baliatzen du haiek ustiatzeko.

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.