LAB sindikatuak soldatetan ematen ari den debaluazioa erakusten duen txostena aurkeztu du gaur Donostian. Lan honek aberastasunean ematen ari den gero eta banaketa desokerakatuagoa erakusten du, pobrezia eta enplegu suntsiketa dakarrena gainera. Eraso hauei kontra egiteko LABek lantokietan eta instituzioei begirako lanketa egingo duela iragarri du.
Lan kostuak murrizteko lasterketa zoroan kokatu du Aranburuk soldaten aurkako erasoa, honetarako bi modu erabiltzen ari direla aipatuz: izozketa edota moteltzea eta soldatak KPIatik deslotzea, soldata egitura bera aldatuz. Etxaidek eraso honetan "helburu bakarra" ikusten du, "banaketa gero eta desokekatuagoa izatea gutxi batzuen mesedetan" eta honek pobrezia hedatzea eta enplegu suntsitzea dakarrela salatu du.
"Patronalak bere asmoak inposatzeko bi bide ditu" Aranbururen hitzetan, bata lege aldaketa berriak inposatzearena eta bestea negoziazio kolektiboarena. Lehenean jadanik "Ley de Desindexación de la Economía" izenarekin indarrean jarri den eta administrazio publikoa KPIaren erreferentzia galtzea ekartzen duen legea aipatu du. Bigarrenean Madrilen 2012-2014 urteetarako CEOE, CEPYME, CCOO eta UGTk sinatutako Negoziazio Kolektiborako akordioa ekarri du gogora, non soldatzen motentzea adostu duten kalkulatzea ezinezkoa den erreferentzia batzuk hartuz patronalaren asmoei jarraituz. Lerro berdinean kokatu du CCOO eta UGT sindikatuak bai Nafarroan eta bai gehiengoa duten enpresetan eramaten ari diren lanketa.
Eraso honen aurrean LABek soldatak defendatzeko borroka lehentasunezko borrokatzat jotzen du, Etxaidek aipatu bezala "enplegua defendatzen delako, aberastasunaren bakaketa borrokatzeko bidea delako eta etorkizunera begira langileok egin dezakegun inbertsiorik hoberena delako".
Etxaidek borroka patronalaren asmoei aurre eginez eta erabakiak baldintzatzeko borrokaren indartzean kokatu du. Horretarako LABek, lantokiz-lantoki eta negoziazio koletiboan, soldata igoera finkoa eta neurgarrien aldeko apustua egingo duela adierazi du, hori bermatzen duen erreferentzia bakarraren, KPIa, alde borrokatuz. Patronalari begira, haien asmoei aurre egiteko erabaki politikoak hartzeko tresnen bila lan egingo duela azaldu du eta instituzioei begira iniziatibak hartuko dituztela adierazi du.