2024-02-27
HomeEkintza SindikalaLABeko ordezkaritza bat Arrasateko manifestazioan izan da, enpleguaren defentsan

LABeko ordezkaritza bat Arrasateko manifestazioan izan da, enpleguaren defentsan

LABek ordezkaritza bidali zuen atzo goizean Arrasaten egin manifestaziora. LABek bat egin du deialdi honekin, enpleguaren —kooperatibista izan ala ez— defentsan eta, Fagorri dagokionez, zuzenean nahiz zeharka suntsituko diren lanpostu guztien defentsan.

Enpresa egoera honetara ekarri duten arrazoi nagusiak baloratzen zuzenean sartu gabe, Fagorren gertatutakoak agerian uzten du ez dagoela ez enpresa handi ez txiki, kooperatiba izan ala ez, krisi honen ondorioetatik salbu, lanpostu galera eta txirotasuna larriki areagotu eta ehun produktiboaren eta enpleguaren suntsiketa besterik sortzen ez duen deriba kapitalistaren hatzaparretatik salbu.

Honek guztiak herri moduan gogoeta egin behar izatera garamatza. Egoera hauen iturburu diren politikak alboratzeko ordua da, bestelako eredu baten alde, eredu propio baten alde egiteko ordua da. Garaia da bide propio bati ekiteko, eragile sozial eta politiko desberdinen artean adostua, behar dugun ehun produktiboa zein den ikusi edota aztertzeko zeintzuk diren garatu beharreko politika industrialak gure ekonomiaren biziraupena eta enplegu duina bermatzeko.
 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.