Gaur astelehena, ekainak 1, lan istripuz hildako langile baten heriotza salatu behar dugu. Istripua Olaberriko Construcciones Metálicas Hogei enpresan gertatu da. LAB sindikatuak, lehenik eta behin, elkartasuna adierazi nahi die haren senide zauritutako lankide, lagun eta gertuko guztiei.
Modu berean gogor salatu nahi dugu heriotz berri honekin, gutxienez 19 langile hil direla Euskal Herrian 2015 an.
Non daude administrazioko arduradunak heriotz berri hau salatzeko. Zein aldaketa eta zein pausu enateko prest daudeegoera eta eredu hau geldiarazteko. Langileok, bizi ahal izateko egiten dugu lan eta ez, saiakera horretan bizia galtzeko. Lan istripuak ez dira bizitzako gertakari arruntak, langile bat hiltzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.
Hau guztia dela eta, LAB sindikatutik mobilizatzera dei egiten dugu eta guztien artean, langile zein jendartean odolhuste hau geldiarazi dezagun.