2024-04-23
HomeEkintza SindikalaLABek Nafarroako Gobernuari eta nafarroako gizarte osoari Koxka eta Kobol-eko langileekiko elkartasuna...

LABek Nafarroako Gobernuari eta nafarroako gizarte osoari Koxka eta Kobol-eko langileekiko elkartasuna aktiboa azaltzeko eskatzen dio

Koxka eta Koboleko langileek 200 kaleratze baino gehiago pairatu dituzte azken bost urteetan, bi plantilla hauek beraien lan baldintzen murrizketa larriak sufritu dituzte, orain bi hilabete soldataren %20ren murrizketa eta lan orduen igoera bat jasan dute.

Egoera honen aurrean LAB sindikatuak Nafarroako Gobernuari balizko alternatibetan inplikatzeko eskatzen dio Koxka eta Koboleko langileen lanpostuak mantendu ahal izateko. Sindikatuarentzat Nafarroako Gobernuaren erantzukizuna da langileen interesak defendatzea eta egoeraren neurrira egoteko eskatzen dio Koxka eta Koboleko egoerari irtenbidea emateko nahiko baliabide baditu eta. Bide horretanLABek Nafarroako Gobernuari enpresaren kontuak auditatu ditzan exijitzen dio.

Langileek ezagutzen ez duen alternatibaren bat manejatzen ari badira LABek mahai gainean jarri ditzaten exijitzen du, "ez baita bidezkoa 400 familia egoera penagarri honetan mantentzea".
 

 

 

AZKEN ALBISTEAK | ÚLTIMAS NOTICIAS

Babestu egin dugu oraindik aitortua ez zuten Osasunbideko osasun langileentzako Lanbide Karreraren ezartzea, baina osasun arlokoak ez diren langileei zabaltzea eskatzen dugu

Gaur eguerdian Iruñean egin den Osasunbideko mahai sektorialean, LAB sindikatuko kideok aldeko botoa eman diogu C eta D mailetako osasun langileentzako Lanbide Karreraren lege proiektuari. Lege proiektu hau LABek bere garaian Osasun Departamentuarekin lortu zuen akordioaren gauzatzea da, eta neurri garrantzitsua da horren onura jasoko duten 3.000 pertsona baino gehiagorendako. Hala ere, bidegabetzat jotzen dugu osasun arlokoak ez diren langileak kanpoan gelditu izana; beraz, borrokan jarraituko du Osasunbideko langile guzti-guztien lan baldintzak erabat duindu arte.

Osakidetzak ez du Euskara Plana betetzen eta iluntasunez jokatzen du konpromisorik eza ezkutatzeko

Osakidetzak urteak daramatza bere pasibotasunarekin EAEko osasun sistema publikoa benetan euskalduntzea eragozten. Propaganda engainagarriaz harago, eta bertako langileek beren zereginak euskaraz egin ahal izateko euskalduntze prozesua eragozteaz gain, ez du bermatzen erabiltzaile euskaldunek arreta euskaraz jasotzeko duten eskubidea.

Patronalak negoziazioa bideratu eta grafikagintza sektorean grebak saihesteko atea itxi du

Patronalaren jarrera guztiz immobilistarekin topo egin dugu LAB-ELA-CCOO-UGT sindikatuok sektoreko hitzarmenaren negoziazioaren hamahirugarren bileran.