2024-05-22
HomeErrepresioaLABek Jon Lizarribar eta Ruben Gelbenzuren atxiloketak salatu eta biak aste uztea...

LABek Jon Lizarribar eta Ruben Gelbenzuren atxiloketak salatu eta biak aste uztea exijitzen du

Lehenik eta behin, ekainaren 11ko goizaldean Guardia Zibilak Urnietan eta Andoainen egindako atxiloketak salatu nahi ditugu eta Jon Lizarribar eta Ruben Gelbenzu LABeko kideei eta bere senide eta lagunei gure besarkada beroena helarazi nahi diegu.

Euskal Herrian hilabeteak pasa dira fase politiko berria ireki zenetik. Euskal jendarteak desiratzen duen eszenatokian kokatzeko bidean gauden honetan, zoritxarrez, Estatu Espainolak gatazkaren konponbide demokratikoa blokeatu ezezik, erasotzeko jarrera irmoa hartu du eta Urkulluren exekutiboaren diskurtso epelarekin egiten dugu topo.

Euskal Herrian bizi dugun aro berriaren aurrean espainiar Estatuak, espainiar Gobernuak eta noski Gasteizko exekutiboak jada buru-belarri aritu behar lukete garai berriak eskatzen dituen erantzun moldeak bilatzen eta jorratzen. Baina, halako eskaintza batetik urrun, errezeta zaharretan tematuta jarraitzen dute. Bake prozesuari, gatazkaren konponbide demokratikoari berriro galga jarriz.

Euskal jendarteak ez du inondik inora ulertzen, ez eta babesten, Estatuen aldetik dagoen erasorako jarrera zentzugabea. Euskal Herriak, estatuei arduraz eta heldutasunez jokatzeko eskatzen die. Estrategia erasokor honekin jarraitzea, herri oso baten eskaerari bizkar emateaz haratago, herri honen eskubideen ukazio sistematiko batean sakontzea da.

Ez dugu prozesuaren aurkako erasorik onartuko. LAB sindikatutik, gatazkaren erresoluzioari traba besterik egiten ez dioten atxiloketa hauek gogor salatzen ditugu. Gatazkaren Konponbidea burura eraman ahal izateko denon inplikazioa beharrrezkoa dela gogorarazi nahi diogu EAJri eta hitzetatik ekintzetara pasatzeko tenorea ailegatu zaiola esan nahi diogu. Denen lana eta ekarpena beharrezkoa da erresoluzio fase honetatik, gatazkaren superazioa lortu nahi badugu.

JON eta RUBEN ASKATU!

Errepresioa ez da bidea! Prozesuaren aurkako erasorik ez! 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.