2024-02-28
HomeEkintza PolitikoaEuskal HerriaLABek herri mobilizazioa aldarrikatu du Nafarroak bizi duen krisi pokitiko eta soziala...

LABek herri mobilizazioa aldarrikatu du Nafarroak bizi duen krisi pokitiko eta soziala era okerrean itxi ez dadin


Gaur Iruñean egindako prentsaurrekoan, LABeko Nafarroako bozeramaileak, Igor Arroyok, langileriari murrizketak inposatu dizkion elite politikoa aberasten egon dela salatu eta bitarteko guztiekin kalera ateratzeko deia egiten dio langileriari, Greba Orokorraren aukera baztertu gabe.

Nafarroak bizi duen krisi politiko eta sozialaren aurrean, zera esan du: “Ezin dugu onartu eredu ustel eta antisoziala mantentzeko helburuaz egindako aurpegi aldaketa hutsa. Ez da sistema berritu behar, eraldatu baizik”.

LABen iritziz, Nafarroako langileriak hiru helbururen alde borrokatu behar du: lehenengoa, UPNren Gobernuaren dimisioa eta hauteskundeak; bigarrena, Nafarroako Kutxa eta bestelako instituzioen harpilaketaren gaineko Ikerketa Batzordea; eta hirugarrena, Nafarroan indarrean egon den eredu ustel eta antisozialarekiko apurketa demokratikoa, gardentasuna, erabakitzeko eskubidea eta aldaketa sozialan oinarritutako eredu berria eraikitzeko. 

 

LAB SAREAN
{module[111]}

    

AZKEN ALBISTEAK | ƚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.