2024-03-28
HomeIndustriaMetalgintzaLABek gainontzeko sindikatuei metalgintzako hitzarmenaren defentsan ekimen bateratuak egitea proposatu die

LABek gainontzeko sindikatuei metalgintzako hitzarmenaren defentsan ekimen bateratuak egitea proposatu die

LABeko Metalgintzako arduradunak, Jonan Goñik, hiru herrialdetan metaleko negoziazioen blokeo egoeraren aurrean, sindikatuak gainontzeko sindikatuei sektoreko hitzarmenaren defentsan ekimen bateratuak proposatu dizkiela iragarri du. LABeko delegatuen babes osoa duen proposamenak Gipuzkoan 3 greba egun, Bizkaian 2 greba egun eta Araban greba egun bat aurreikusten ditu.

Jonan Goñi, responsable nacional del Metal de LAB

Gipuzkoan maiatzaren 24an izandako greba orokorrak langileek ekimen zabal eta bateratuak nahi dituztela argi eta garbi erakutsi zuela esan du gaur Igarako egoitzan izandako prentsaurrekoan. Metaleko hitzarmena sektoreko langile guztiena dela eta 30 urtetan lortutako eskubideak arrisku bizian daudela gogoratu ondoren,  

Joan den maiatzaren 24an Gipuzkoako metalgintza erabat geratu zen. Sektoreko langileek argi eta garbi adierazi zuten metaleko sektore hitzarmena halabeharrez bete eta enpresa guztietan gutxieneko erreferentzia izan behar duela. Sektoreko langile guztiak babestuko dituen hitzarmena eta beren lan baldintzak erregulatuko dituena eta uztailaren 7tik aurrera eman daitezken ondorioak sahiestuko dituena.

Halaber, ekimen zabal eta bateratuak nahi dituztela argi eta garbi esan zuten. Metaleko hitzarmena ez da inongo sindikatuarena, sektoreko langile guztiena baizik. 30 urte baino gehiagotan langileek lortutako eskubideak arrisku bizian daude. Bere galerak, salbuespenik gabe, sektoreko enpresa guztietan ondorio latzak ekarriko ditu. Bere galerak, beste hainbat sektoretan ere, ondorio latzak ekarriko ditu.

Ez gara, sektore bakar bateko borrokaz ari, gizarte eta herri oso batek nahi duen lan-harreman erregulatu eta euren eskubideak babestuko dituen ereduaz baizik.

LAB, egoera honen jakitun, hiru herrialdetan metaleko negoziazioen blokeo egoeraren aurrean, sektoreko hitzarmenaren defentsan ekimen bateratuak proposatu dizkie gainontzeko sindikatuei. Gure delegatuen babesa duen proposamena. Gipuzkoarako ekimena, 17tik 21erako astean 3 egunetako greba egitea da (17, 19 eta 21), baita EAEn greba egun bat hiru herrialdeetarako, eta bi greba egun Bizkaiko herrialderako ere. Adostasuna lortzeko erabat negoziatu daitekeen proposamen bat.

Gainontzeko sindikatuen aldetik mobilizazioetarako jarrera baikorra jaso dugu eta sindikatuen artean adostasuna lortzeko konfiantza dugu, sektoreko hitzarmenaren aldeko ekimen esanguratsu bat antolatzeko.

Halaber, gainontzeko sindikatuei proposatu zaie, metaleko sektore hitzarmenaren defentsan, greba egunetan manifestazio bateratuak egitea.

Langileek adierazitako desioak errealitate bihurtzea nahi genuke. Hortan lan egingo du LAB-ek.

Azkenik, baina ez garrantzia gutxiagoz, ADEGI, FVEM eta SEA enpresa erakundeei zuzendu nahi gatzaie, sektoreko langileen aldarria entzun dezaten. Halaber, entzun dezatela enpresari gehienen aldarria, adostasunetara iristeko beharraz jakitun baitira. Euren, lan erreformarekiko, jarrera inmobilista zein maximalista utz dezaten. Sektore langileei lan baldintzak kaskartzeko aitzakia bezela erabil ez dezaten. Aurrera pausu bat eman eta sektoreko hitzarmenen defentsan konprometitu daitezela.

Pasa den abenduan LABek negoziazio mahaietan egoera desblokeatzeko proposamen bat aurkeztu zuen. Proposamena egungo hitzarmenetik abiatzen den proposamen bat bere betetze eza mugatuko duena eta soldata igoera jasotze duena. Alderdien arteko akordioa, eta ez inposaketa, goraipatzen duen proposamen bat. Akordio justu eta zentzudun bat bilatzen duen proposamen bat. Sektoreak eskatzen duena jasotzen duen proposamena eta, egun, indarrean jarraitzen duena. Patronala izango da, beraz, sektoreari konfliktitatera eramatearen erantzule bakarra. Espero dezagun, oraingoan, akordioaren aldeko apostua egitea. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.