2025-05-20
HomeIndustriaMetalgintzaLABek FVEMen azken proposamena salatu du

LABek FVEMen azken proposamena salatu du

Pasadan ekainaren 25ean, LAB sindikatuak elkarretaratzea egin zuen Bilbon, FVEMen, metal arloko enpresen Bizkaiko Federazioaren egoitzan aurrean, patronal honek hitzarmenaren negoziazioaren testuinguruan egindako azken proposamena salatzeko.

LABen Oharra
FVEM-EK 4.391 LANPOSTU SUNTSITU NAHI DITU

«LABek, gaurko mobilizazioaren bidez, FVEMek metaleko hitzarmenaren negoziazioan aurkeztu duen proposamenaren atzean dagoen enplegu suntsiketa salatu du. Patronalak 250 orduko malgutasuna nahi du. Horrek Bizkaian, metalgintzako sektorean 4.391 lanpostu suntsitu dezake, gure kalkuluen arabera.

Proposamen honek gainera lan baldintzen erabateko prekarizazioa ekarriko du, erabat suntsituz bizitza laborala eta familia zein sozial bizitzaren arteko uztartzea.

Gogoratu behar dugu Bizkaian dagoen langabezi tasa %19koa dela, zehazki egun 98.615 pertsona daude langabezian.

Beraz, FVEMen proposamena erabat onartezina da. Patronalaren proposamena enplegua suntsitzeko tresna bat besterik ez dela ikusirik, Eusko Jaurlaritzari galdera argi bat egin nahi diogu: Eusko Jaurlaritzak bat egiten al du FVEMeko proposamenarekin?

Pasa den astean Urkullu lehendakariak harrotasunez esan zuen aurreikusten duela datorrean urtean 5.000 lanpostu sortuko direla EAE osoan. FVEMen proposamenak soilik Bizkaian ezerezean utzi du aurreikuste hori. Eusko Jaurlaritza ados al dago 4.391 lanpostu suntsitzearekin? Ez al du ezer esan behar?

Eusko Jaurlaritzak aukera paregabea dauka orain arteko ixiltasuna hausteko eta esateko ez dela onargarria enplegu suntsiketa ekarriko duen proposamenik aurkeztea, are gutxiago koiuntura honetan.

Enplegua zein aberastasuna banatzeko akordioak egiteko garaia da. LABek metaleko negoziazio mahaian aurkeztutako proposamenak ahalbideratzen du hori.

LABen iritziz, ez dago beste biderik, erreformaren kontrako klausulak eduki behar ditu, soldata igoerak KPIaren erreferentziari eutsi behar dio eta noski lanpostuak babestu behar ditu.»

 

 

 

AZKEN ALBISTEAK | ÚLTIMAS NOTICIAS

Zuzena da egungo aldaketa gainerako kakoetan eteteko Volkswagen Nafarroako zuzendaritzak hartutako erabakia

Lan-baldintzak defendatzeko konpromisoa hartu duten langileen garaipentzat hartzen dute LAB, ELA eta CGT sindikatuek.

Sistema kapitalista langileen lan eta bizi baldintzak gero eta oinarri prekarioagoetara eramaten ari da

Krisi berri baterako oinarriak ezartzen ari dira, eta 24 eta 65 urte arteko bi herritarretik bat prekaritate egoeran dago.
00:01:27

LABek agerraldia egin du Gipuzkoako Batzar Nagusietan, aniztasun funtzionala duten langileen egoeraz ohartarazteko eta mutualitateen nahiz GUREAK enpresaren jarduna salatzeko

Gaur, LABeko hainbat kide bildu dira Gipuzkoako Batzar Nagusien aurrean, GUREAK enpresako LABeko bi ordezkarik, barnean, batzarkideen aurrean agerraldia egin duten bitartean.