2024-04-15
HomeIndustriaFederazioaLABek ez du parte hartu Industria Lehiakortasuneko Plataforma Iraunkorraren batzarrean

LABek ez du parte hartu Industria Lehiakortasuneko Plataforma Iraunkorraren batzarrean

LABek Industria Lehiakortasunerako Plataforma Iraunkorraren batzarrean parte ez hartzea erabaki du bilera hauetan ez baita partehartzea bermatzen. Hala ere, gaiak duen garrantziaren aurrean sindikatuak Gobernuarekin aldebiko bat egiteko bilera eskaera ofiziala egin genuen bilera horretan planaren inguruko gogoeta egiteko.

LABek ez du parte hartu Industria Lehiakortasunerako Plataforma Iraunkorraren batzarrean ondoko arrazoiengatik:

1-Urteak dira LAB sindikatuak plan hauen inguruan bere irakurketak egiten dituela. Irakurketa eta ekarpen hauek Gobernuari helarazi dizkiogu eta publikoak izan dira beti. Gure ustez Euskal Herria herri industrializatua izango den auzitan dago. Asko dago egiteko, eta ez goaz norabide egokian.

2-Ez dugu uste horrelako formatuko bilera batek gaiak duen garrantziari erantzuten dionik. Ez da parte hartzea bermatzen, ez baitago ekarpen zehatz ez orokorrerako aukerarik. Berez egina dagoen eta aldaketetarako aukerarik ematen ez duen plan baten aurkezpen bilera batean ez dugu parte hartuko.

3-Hori dela eta, pasadan astean Gobernuarekin aldebiko bat egiteko bilera eskaera ofiziala egin genuen bilera horretan planaren inguruko gure gogoeta aztertzeko. Benetako parte hartzerako borondatea badago eta benetan Gobernu honek garrantzia ematen badio gai honi ez litzateke arazorik egon behar bilera hori egiteko. Gure konpromisoa da bilera hori eta gero planaren inguruan LAB Sindikatuak egiten duen gogoeta eta Gobernuak ekarpen horiekiko eduki duen jarrera gizarteratzea.
 

 

 

AZKEN ALBISTEAK | ÚLTIMAS NOTICIAS

Amazonen borrokan jarraitzen dugu

Enpresaren jarrerak ezin itxiagoa izaten jarraitzen du, langileon beharrizanei entzungor egiten jarraitzen duelarik. Hala ere, borrokan, lanuzteak egiten eta kalera ateratzen segitzen dugu. Atzo, igandea, hilaren 20ra arte luzatuko den lanuzte-aldia abiatu genuen Trapagarango lantokian, eta gaur goizean goiz manifestazioan atera dira langileak Bilboko kaleetan barrena.

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.